Mysql haqida boshlang’ich tushunchalar Qo'shilgan sana: 2015-12-19 Muallif: Orifjon Sobirov Mysql

MySQL tiplari va versiya tushunchasi

Qo'shilgan sana: 2015-12-19
Muallif: Orifjon Sobirov
Oldingi maqolada mysql haqida boshlang‘ich tushunchalar bilan tanishib chiqdik(nima ekanligini). Bu maqolada mysql turlari, qaysilari tekin, qaysilari pullik ekanligini, versiya tushunchasi va ko‘chirib olish uchun qanday fayllar taklif qilinishini ko‘rib chiqamiz.
MySQL bu — krossplatformali dastur hisoblanadi, ya’ni bir hil tipga ega bo‘lgan(ishlash texnologiyasi bir hil), lekin o‘rnatiluvchi fayllari biroz boshqachadir. Hozirda mysql Oracle firmasi tomonidan ishlab chiqarilmoqda, oldin Sun firmasiga tegishli bo‘lgan. Shuning uchun MySQL 4 versiyasi MySQL 5 versiyasidan farq qiladi. Hozirda(maqola yozilishida) eng so‘ngi versiyasi 5.6.14 dir.
Keling enda, versiyasiyalar nimani anglatishini bilib olamiz. Har bir dastur, ma’lum bir sonlar asosida versiyalarga ajratiladi. Dastur ismi o‘zgarmaydi, faqat sonlar o‘zgarib, dasturning yangi yoki eskiligini ajratib turadi. Yangi yoki eskiligi, dasturning darajasini belgilaydi, ya’ni yangi dastur eskisiga qaraganda yangi qirralari mavjudligini anglatadi. MySQL dasturi ham hamma dasturlar kabi o‘z versiyasiga ega(5.6.14). Demak birinchi raqam asosiy raqam deyiladi. Bizning holatda bu 5 raqami. Bu raqam kamdan kam o‘zgaradi, faqatgina dasturning asosi o‘zgarsa o‘zgaradi. Keyingi raqam 6, bu raqam asosiy raqamga yordamchi raqam hisoblanadi va asosiy raqamga qaraganda tezroq o‘zgaradi. Buning o‘zgarishi, dasturning ishlash texnologiyasi biroz o‘zgarishi natijasida sodir bo‘ladi. Keyingi raqam build deyiladi. Bizning holatda bu 14 raqam. Dastur ishlashida biror nuqson(bug) paydo bo‘lsa, dasturchilar darrov shu nuqson(bug)ni yo‘qotishadi va raqamni keyingisiga o‘zgartirib qo‘yishadi. Bundan ko‘rinib turibdiki bu raqam tez o‘zgaradi. Bu o‘zgartirish dasturchilar tilida Patch deyiladi. O‘z tajribamdan kelib chiqib fikr bildirsam, har bir yangi chiqgan Patch, eski nuqsonlarni bartaraf etib, yangisini paydo qiladi :).
MySQL asosan 2 turga bo‘linadi. Birinchisi, pullik versiya bo‘lib, MySQL Enterprise Server deyiladi. Bu turidan foydalanganda, har yil ma’lum bir mablag‘ to‘lash talab etiladi.
Ikkinchisi, MySQL Community Server deb nomlanib, bepul hisoblanadi.