Muxandislik tizimlari fakulteti “IShlab chiqarish jarayonlarini avtomatlashtirish” kafedrasi muxandislik dasturlari fani

Fanning dolzarbligi
Ushbu dastur sanoat korxonalarida ishlatiladigan dasturiy ta’minotlar, ularning tasnifi, tuzilishi, fan tarixi rivojining tendensiyasi, istiqboli hamda respublikamizdagi ijtimoiy-iqtisodiy islohotlar natijalarini avtomatlashtirish sohasida ishlatiladigan dasturiy paketlar istiqboliga ta’siri masalalarini qamrab oladi. Bu paketlarni “Muxandislik dasturlari” fani o‘tadi, shuning uchun xam bu fan dolzarbdir.


Fanning o‘quv rejadagi boshqa fanlar bilan o‘zaro bog‘liqligi
va uslubiy jihatdan uzviyligi
Muxandislik dasturlari umumkasbiy fanlardan biri hisoblanib, 2,3- semestrda o‘qitiladi. Dasturni amalga oshirish o‘quv rejasida rejalashtirilgan matematika, axborot texnologiyalari, fizika va boshqa qator fanlar bilan mantiqiy bog‘liqdir.


Fanning ilm-fan, iqtisodiyot va ishlab chiqarishdagi o‘rni
Hozirgi zamonaviy texnologiyalar rivojlangan davrda, sanoat korxonalaridagi texnologik jarayonlar avtomatlashtirilgan murakkab dasturiy vositalar asosida boshqarilmoqda. Shuning uchun muxandislik dastrulariga alohida talablar quyiladi. Dasturiy paketlar ishlab chiqarishni avtomatlashtirishda yuqori sifat ko‘rsatkichi, yuqori darajadagi aniqlikda ishlashni, xavfsizlikni yuqori darajada ta’minlashni tartibga soladi. Shuning uchun ushbu fan asosiy umumkasbiy fanlardan biri hisoblanib, ishlab chiqarishning ajaralmas bo‘g‘inidir.


Fanni o‘qitishdagi zamonaviy axborot va pedagogik texnologiyalar hamda o‘quv mashg‘ulotlarini loyihalash

Talabalar «Muxandislik dasturlari» fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron materiallar, virtual stendlar, keys-texnologiyalardan hamda ishlab chiqarishdagi namunalar, imitatsion modellar va maketlardan foydalaniladi. Ma’ruza, amaliy va laboratoriya ishlarida o‘qitishning interaktiv usullari (vizual, muammoli, mualliflik ma’ruzalari, ikki tomonlama tahlil, Insert, klaster, “Venna”, Sinkveyn va boshqalar)dan foydalaniladi.

Fan o‘qituvchisi tomonidan pedagogik va modulli texnologiya tamoyillari asosida “Muxandislik dasturlari” fani o‘quv mashg‘ulotlarining loyihalari ishlab chiqiladi.