Muxammad al-xorazmiy nomidagi toshkent axborot texnologiyalari universiteti akt sohasida iqtisodiyot va menejment fakulteti pochta aloqasi texnologiyasi kafedrasi himoyaga ruxsat Kafedra mudiri

3.1.3-rasm. Jamiyatning “Obuna” tizimiga ulangan ob’ektlar soni

• 
  “Obuna” avtomatlashtirilgan tizimiga boglangan ob’ektlar soni 1300taga yetkazildi.
  
• 
  Mazkur tizimga filiallarning qolgan pochta aloqasi ob’ektlarini ham bosqichma-bosqich bog‘lash ishlari davom ettirilmokda.
  
• 
  «O‘zbekiston pochtasi» AJ veb-sayti vositasida davriy nashrlarga obunani, to‘lovlarni “Onlayn” rejimida qabul qilish orqali rasmiylashtirish (Internet obuna) xizmati joriy yilning 10 iyulidan boshlab Toshkent shahrida foydalanishga topshtrildi. Tizimni ishga tushirish davrida Jamiyat va AT “Aloqabank” bilan “RAYSOM” tizimi vositasida plastik kartochka orqali elektron to‘lovlarni qabul qilish va ularga ishlov berish yuzasidan shartnoma imzolandi.
  
• 
  “To‘lovlarni qabul qilish avtomatlashtirilgan tizimi”ga bog‘langan 1727ta pochta aloqa ob’ektlari va “O‘zbekenergo” DAKning billing tizimi o‘rtasida “On-line” rejimida ma’lumotlar almashinuvi yo‘lga qo‘yilgan.
  
• 
  2019 yilning 15 sentabridan boshlab Jamiyat tomonidan «To‘lovlarni qabul qilish avtomatlashtirilgan tizimi negizida yaratilgan «Gaz uchun to‘lovlarni qabul qilish avtomatlashtirilgan tizimi» moduli (GazTQQAT) foydalanishga topshirildi. Ushbu tizim orqali kompyuterlashtirilgan pochta aloqasi ob’ektlarini bog‘lagan holda tabiiy gaz uchun to‘lovlarni qabul qilishda “UZTRANSGAZ” AKning billing tizimi va GazTQQAT o‘rtasida ma’lumotlarni “Onlayn” rejimida almashish yo‘lga qo‘yilib unga 1727ta pochta aloqa ob’ektlari bog‘langan.
  

Undan tashqari kompyuterlashtirilmagan va ma’lumot uzatish kanallari bilan ta’minlash imkoniyati bo‘lmagan aloqa bo‘limlarining elektr energiyasi va gaz uchun qabul qilgan to‘lovlar haqidagi ma’lumotlari ham billing tizimiga bog‘langan ob’ektlar orqali ma’lumotlar bazasiga kiritib borilmoqda.

“O‘zbektelekom” AKning billing tizimiga 164ta pochta aloqa ob’ektlari bog‘langan.

Korporativ kompyuter tarmog‘ida axborot xavfsizligini ta’minlash choralari ko‘rilgan, EPO‘ va PTQQ tizimlarida axborot xavfsizligini ta’minlash maqsadida 2606ta (sh.j. Ye-Hujjat tizimida 350ta) elektron raqamli imzo (ERI) kalitlaridan amalda foydalanilmoqda (2019 yilda 1-chorakda 2606ta edi). Shuningdek “UNISJN.UZ” bilan hamkorlikda Ye-Hujjat tizimi dasturini yangi dastur (Ye-Ijro)ga almashtirish bo‘yicha ishlar olib borilmoqda.

Chet el pochta ma’muriyatlari bilan reklamatsiyalar bo‘yicha elektron ma’lumotlar almashinuvini yo‘lga quyish maqsadida tegishli ish joylari BPIning IBIS dasturiga va xalqaro pochta jo‘natmalari qidiruvi bo‘yicha e’tiroznomalarni pochta operatorlari o‘rtasida elektron shaklda almashish imkoniyatini beruvchi BPIning «RRIME» tizimiga ulangan hamda “Xalqaro tezkor pochta” filialida BPIning “Ragby”dasturi yordamida xalqaro YeMS jo‘natmalari bo‘ycha elektron ma’lumotlar almashinuvi yo‘lga qo‘yilgan.

Jamiyatning veb-sayti 2020 yilda qayta ishlab chiqilib foydalanishga topshirilgan. Sayt orqali pochta sohasiga tegishli ma’lumotlar va yangiliklar bilan tanishish va Jamiyatda ishlatib kelinayotgan axborot resurslaridan internet orqali foydalanish imkoniyati yaratilgan, bular: pochta indekslari; pochta xizmati tariflari; ro‘yxatga olinuvchi pochta jo‘natmalari haqida internet orqali ma’lumot olish va «Internet magazin», «Toshkent pochtamti» filialida kurerlik xizmatiga buyurtmalar qabul qilish» interaktiv xizmatlaridan foydalanish mumkin.

Saytning “Pochta xizmatidan foydalanuvchilar uchun” deb nomlanuvchi qismida mijozlar uchun kerakli bo‘lgan ma’lumotlar va pochta blankalarni to‘ldirish namunalari keltirilgan. Sayta mijozlar uchun zarur bulgan “Ochiq ma’lumotlar” qismi ham yaratilgan.

Jamiyat xodimlari uchun ichki sayt faoliyat ko‘rsatib, korporativ tarmoq orqali bog‘lanib me’yoriy hujjatlar elektron bazasi va boshqa resurslardan foydalanish imkoniyati yaratilgan.

Ichki ishlar vazirligining Toshkent shahar DAN boshqarmasi bilan xamkorlikda Toshkent shahrida avtotransportda xarakatlanish qoyidalarini buzuvchilarga tayinlangan shtraflar haqidagi xabarnomalarni yetkazib v yetkazilganligi xaqidagi ma’lumotlarni DANga taqdim etish xizmatini joriy etish bo‘yicha bir necha bora hamkorlikda uchrashuvlar o‘tkazildi va DAN tomonidan yaratilayotgan (ishlab chiqilayotgan) Ma’muriy amaliyot” majmuiy axborot tizimining “Texnik shartlari” bo‘yicha Jamiyatning takliflari berilgan. Shuningdek ushbu xizmatlarni ko‘rsatish bo‘yicha Jamiyatning 3 xildagi tariflari DANga taqdim etilgan.

Qo‘mitaning 2013 yil 5 dekabrdagi «Interaktiv davlat xizmatlarini ko‘rsatish yagona portali orqali jismoniy va yuridik shaxslardan kelib tushayotgan murojaatlar bo‘yicha o‘z vaqtida va sifatli interaktiv soha xizmatlarini ko‘rsatish to‘g‘risida»gi 446-son buyrug‘iga muvofiq Jamiyat tomonidan tayyorlangan 5ta interaktiv xizmatlarning reglamentlari tegishli tashkilotlar bilan kelishilgan va Qo‘mita tomonidan tasdiqlangan holda “UZINFOSOM” ga taqdim etilgan. Bular:

- «Jismoniy va yuridik shaxslarning arizalari, shikoyatlari va takliflarini qabul qilish va ishlov berish»;

- «Fuqarolarni qabul qilish kuni, kontaktlar, manzillarni joylashtirish, "O‘zbekiston pochtasi" AJ rahbari qabuliga on-layn yozilish»;

- «Vakant ish o‘rinlarini joylashtirish va ular bo‘yicha "O‘zbekiston pochtasi" AJga tushayotgan takliflarni ko‘rib chiqish»;

- «Ro‘yxatga olinuvchi pochta jo‘natmalarining avtomatlashtirilgan qidiruvi»;

- «Toshkent pochtamti» filialida kurerlik xizmatiga buyurtmalar qabul qilish».

Ushbu xizmatlar bo‘yicha mas’ullar tayyorlangan va bu xizmatlar “UZINFOSOM” bilan hamkorlikda ko‘rsatib kelinmoqda.

Xozirgi kunda pochta aloqasi ob’ektlarida uyali aloqa operatorlarining dilerlik xizmatlarini tashkil etish (DXTE) Jamiyat tomonidan AKTRJning 400 mln.so‘mlik beg‘araz mablag‘lari va Jamiyatning o‘z mablag‘lari hisobidan 2019 yilda sotib olingan va keyingi 5 oy ichida filiallarga ajratilgan zarur texnikalar (200ta PK, 100 URS va 200ta MFUlar)ni ish joylariga o‘ranatish ishlari yakunlandi va MChJ “Unitel” bilan tuzilgan Bosh kelishuv asosida joylarda shartnomalar imzolanib ushbu xizmatni yo‘lga qo‘yish ishlari boshlandi.

Vazirlikning 2019 yil 27 maydagi 83-f-sonli farmoyishi binoan “Elektron raqamli imzo sertifikati va kalitlarini aholiga (tegishli ariza va hujjatlar asosida) rasman berish ishlarini olib borish bo‘yicha 2019 yil 6 oktabrda “UNISON.UZ” va Jamiyat o‘rtasida “Bosh kelishuv” imzolandi. Xozirgi kunda ushbu xizmatni yo‘lga qo‘yish ishlari hamkorlikda olib borilmoqda.

Jamiyat tomonidan ishlab chiqilgan «Universal xizmatlar sifatini yaxshilash maqsadida pochta aloqasi milliy operatori tarmog‘ini 2019 yilda zamonaviylashtirish» (II-bosqich) loyihasi bo‘yicha kredit asosida sotib olinadigan 60 dona “Damas” rusumli avtomobillarni xarid qilish yuzasidan tegishli tashkilot (korxona) bilan shartnoma imzolandi va tegishli⁴ hujjatlar AT “Aloqabank”ga taqdim etildi. Mazkur loyiha asosida ⁵Jamiyat filiallarida ishlatilayotgan 62ta avtotransport vositalarini “GRS monitoring” tizimiga bog‘lash uchun kerakli bo‘lgan 62 GRS trekerlari RTHB (birja) orqali sotib olindi va filiallarning avtoulovlariga o‘rnatilib foydalanishga topshirildi. Jami tizimga bog‘langan avtoulovlar soni 130taga yetdi.

“Xalkaro tezkor pochta” (YeMS) filialida «Vega-Rost Offise» axborot tizimi kompleksi ishlatib kelinmoqda. Ushbu tizim orqali xalqaro va ichki pochta jo‘natmalari shtrix kod texnologiyasi asosida nazorat qilib boriladi.

2019 yilning aprel oyida Jamiyatning veb-sayti orqali foydalanish imkonini beruvchi “Pochta indekslarini qidirish tizimi” ishlab chiqildi va ishga tushirilgan.

“Elektron obuna tizimi” dasturi “Toshkent pochtamti” filialida ishlatib kelinmoqda.

"O‘zbekiston pochtasi" AJ sayti orqali pochta jo‘natmalari narxini avtomatlash-tirilgan tarzda hisoblash tarifikatorini ishlab chiqish va joriy etish bo‘yicha RTHB orqali tanlov e’lon qilindi va tanlov g‘olibi (MChJ “POZITIV PRO SISTEM TEXNOLOJES”) bilan shartnoma imzolandi va mazkur modul 2016 yilning yanvar oyida ishga tushirildi.

"O‘zbekiston pochtasi" AJ saytida mijozlarga qulaylik yaratish uchun pochta blankalaridan elektron ko‘rinishda nus’ha olish va to‘ldirish uchun mo‘ljallangan
blankalarning elektron nus’halari tayyorlandi va ular saytning “Blankalar” qismiga joylashtirilib qo‘yilgan.