Muvofiqlashtirish hududiy boshqarmasi

Injektorli dvigatellar ta’minlash tizimi. Yengil yoqilg’ini purkash bilan ishlaydigan dvigatellarni strukturaviy sxemasi benzin bakdan bosim orqali filtrdan miqdorlab-taqsimlagichga va undan doimiy bosim saqlanadigan maxsus naysimon yoqilg’i o`tkazgichga keltiriladi. Bu o`tkazgichlarda forsunkalar o`rnatilib ular kirituvchi kollektorga yoqilg’ini purkaydi.
Injektorli ta’minlash tizimining karbyuratorli ta’minlash tizimidan quyidagi afzalliklari mavjud:
-yoqilg’i silindrlarga bir tekis taqsimlanadi (har bir silindrga bittadan forsunka)
-silindr ichiga puflanayotganda yoqilg’ining bir qismini yo`qolishiga yo`l qo`yilmaydi
-karbyurator yo`qligi sababli kiritish tizimidagi qarshilik kamayib silindrlarni to`ldirish yaxshilanadi.
-silindrlar ichidagi aralashma tarkibi bir xil bo’lganligi sababli dvigatelni siqish darajasi qisman ko`tarilishi mumkin.
-dvigatel bir rejimdan ikkinchi rejimiga o`tganida aralashma tarkibini korrektsiya qilish karbyuratorli dvigatelga nisbatan to`g`riroq amalga oshirish mumkin, bu o`z navbatida qisqa vaqtda kerakli tezlikda erishish mumkinligiga olib keladi.
-ishlangan gazlarda uglerod oksidining miqdori kam bo`ladi.
-yongin xavfi kamayadi.
Kamchiliklari
-Tizim karbyuratorga nisbatan murakkab, shuning uchun ham tannarxi yuqori
-Texnik xizmat ko`rsatish va ta’minlashga malakasi yuqori ishchi talab qilinadi.
Yoqilg’ini purkaydigan dvigatellarning ta’minlash tizimi quyidagilardan iborat: yoqilg’i baklari, nasoslari va filtrlari, reduktsion klapanlar, forsunkalar, yoqilg’i o`lchagichlar, havo sarfi o`lchagichlar, elektron boshqarish bloklari, harorat datchiklari, bosim datchiklari, dvigatelni aylanish sonlarini o`lchagichlari.
Tizimga havo kirib ketmasligi uchun yoqilg’i nasosi bakning tagiga yoki bevosita yoqilg’ini ichiga o’rnatiladi. Yoqilg’i orqaga oqib ketmasligi uchun nasosdan chiqqan yo`lga teskari klapan o’rnatiladi. Ushbu tizimga o’rnatiladigan elektr yoqilg’i nasoslariga quyidagi talablar qo`yiladi: yengil yoqilg’i nasoslariga quyidagi talablar quyiladi: yengil yoqilg’i bilan ishlashda yeyilishga yuqori chidamliligi; germetikligi; yong`indan xavfsizligi; soddaligi; xizmat ko`rsatishga qulayligi; kam quvvat talab etilishi.
Ayrim avtomobillarda elektromagnitli forsunkalar ishlatiladi, ushbu forsunkalar yoqilg’ini odatda kirituvchi kollektorga puflaydi. Ular impuls rejimda ishlab yoqilg’ini dolzarb yetkazadi. Forsunkadagi klapan ochilib turgan vaqtda, forsunkaga o’rnatilgan elektromagnit chulg`amga beriladigan boshqaruvchi elektr impulsga bog`liq. Forsunkani o`rnatish joyini tanlash juda muhim ahamiyatga ega. Odatda bu ishni eksperimental ma`lumotlar asosida bajariladi. Forsunkalarga yoqilg’ini miqdorlash (dozalash) va taqsimlash uchun ushbu tizimlar aylanuvchi taqsimlagichlar qo’llaniladi.
Ma’lumki aralashma tarkibini rostlash forsunkaga yuboriladigan yoqilg’ini miqdorini o`zgartirish orqali bajarilganligi uchun, dvigatellarda havo sarfini doimo o`lchash kerak. Buning uchun quyidagi sarflagichlar qo’llaniladi: bosim diskli mavjud mexanik; termoanemometrik turdagi (VAZ, GAZ); pnevmodinamik turdagi (14-2141).
Yoqilg’i baki sig’imi dvigatel to’liq nagruzkada ishlaganda avtomobilni 500-600 kilometrdan kam bo`lmagan miqdorda masofada ishlashini taminlay olishi kerak. 50 yoqilg’i baki po`latdan tayyorlanadi. Bak yuk avtomobili kuzovi pastki qismiga joylashtiriladi. Yengil avtomobillarda bak orqa tomonda yukxona pastki qismiga joylashtiriladi. Bakda quyish bo`g`zi bo`lib u qopqoq bilan berkitiladi. Bak ichida yoqilg’ini chayqalishini kamaytirish uchun panjara o’rnatilgan. Chiqarish shtutseri orqali yoqilg’i so`rib olinadi. Yoqilg’ini so`rib olish bak tubidan 4-5 sm yuqorida amalga oshiriladi. Yuk avtomobillari baki qopqog’ida havo va bug` klapanlari mavjud bo`lib, ular bakdagi yoqilg’i miqdori kamayganda atmosfera bosimini ma`lum miqdorda ushlab turadi va bak qiziganda yoqilg’idan ajralib chiqqan bug`ni tashqariga chiqarib yuboradi. Yengil avtomobil baklarida klapan o`rniga shamollatish trubkalari o’rnatilgan.
Yoqilg’i filtrlari yoqilg’i tarkibida bo’lgan mexanik zarrachalar va suvni ajratib olish zarur. Bu benzinni usulida ishlaydigan dvigatellarda muhim hisoblanadi, chunki yoqilg’i nasosi tutash detallari orasidagi tirqish 1…3 mm ni tashkil etadi. Benzinni yaxshi tozalamaslik oqibatida detallarning tez yoyilib ketishiga olib keladi.
Yoqilg’ini tozalash dag`al va mayin filtrlardan foydalaniladi.
Dag`al filtrlar benzin tarkibidagi 0,03…01 mm dan katta bo’lgan zarrachalarni va 85% gacha suvdan tozalaydi. Dag`al filtr, sterjenda yig`ilgan latun xalqalardan tashkil topgan. Latun xalqalarda balandligi 0,05 mm chiziqlar va yoqilg’i o`tishi uchun teshik mavjud, xalqalar sterjenda prujina bilan qisilgan bo`ladi. Xalqalarda chiziqlar bo’lganligi uchun ular orasida kengligi 0,05 mm li tirqish hosil bo`ladi. Yoqilg’i bakdan kirish trubkasi orqali qopqoq tubiga cho`kadi, yoqilg’i plastinalar orasidagi tirqishdan o`tib, vertikal o`tish qatorlari hosil qilgan teshiklar orqali korpus kamerasiga tushadi va chiqarish trubkasi orqali yoqilg’i nasosiga keladi. Filtrlovchi element o`lchamlari 0,05 mm dan katta bo’lgan zarralarni tutib qoladi. Korpusdagi cho`kindi vaqti-vaqti bilan tiqin bilan mahkamlangan teshikdan to`kib yuboriladi.
Mayin filtr yoqilg’i tarkibida o`lchamlari 1,5 mm dan yirik bo’lgan zarrachalardan tozalaydi.