МувақҚат низом 1-боб. Умумий қоидалар

5-боб. Олимпиада ғолибларини аниқлаш тартиби
5.1. Олимпиаданинг биринчи босқичида талабаларнинг эришган натижалари тенг келиб қолса, совриндорни аниқлаш учун уларга қўшимча тест топшириқлари берилади ва бу ҳолат ғолиб аниқлангунга қадар давом эттирилади. Олимпиаданинг биринчи босқичи ғолиблари ОТМ ташкилий қўмитаси қарори натижаларига асосан аниқланади.
5.2. Олимпиада ғолиблари олимпиада топшириқларининг талабалар томонидан бажарилиш даражасига қараб аниқланади.
5.3. Барча талабалар ўртасида ўринларни тақсимлаш олимпиада топшириқларига берилган тўғри жавоблар сонига ҳамда сарфланган вақт миқдорига қараб тўплаган баллар кетма-кетлиги бўйича 1, 2, 3 -ўринлар электрон тарзда белгиланади. Кейинги ўринлар баллар кетма-кетлигида юқоридан пастга қараб аниқланади.
5.4. Олимпиада ғолиблари сони ҳар бир фан бўйича 1, 2, 3 -ўринлар бир нафардан белгиланади.


6-боб. Олимпиада ғолибларини рағбатлантириш тартиби
6.1. Олимпиаданинг иккинчи республика босқичи ишларининг якунлари бўйича Вазирликнинг буйруғи асосида қуйидагилар рағбатлантирилади:
олимпиадада қатнашиб, совринли ўринларни эгаллаган талабалар вазирликнинг I, II, III даражали дипломлари билан тақдирланадилар ва уларга дипломлар онлайн ҳамда тегишли ОТМ орқали тақдим этилади;
совриндор талабалар, уларнинг илмий раҳбарлари ҳамда олимпиадани ташкил этиш ва ўтказишда фаол қатнашган ходимлар ОТМлар бюджетдан ташқари маблағлари ҳисобидан моддий рағбатлантирилади.

7-боб. Олимпиадани якунлаш тартиби
7.1. Олимпиаданинг иккинчи республика босқичи натижаларини Марказ умумлаштиради ҳамда якуний маълумотномани вазирликка тақдим этади.
7.2. Вазирлик “ОТМларда ўтказилган талабалар республика онлайн фан олимпиадасининг якуни тўғрисида” ўз буйруғини чиқаради.

8-боб. Низоларни кўриш тартиби
8.1. Талабалар томонидан топшириқларга бўлган эътирозлар топшириқлар базасини экспертизадан ўтказиш бўйича масъул бўлган ОТМларга юборилади ва талабаларга жавоб беришлари сўралади.
Олимпиаданинг иккинчи республика босқичида Фан бўйича тузилган олимпиада топшириқлари тўғри ва мантиқий тузилишида хатолик аниқланган холатда Олий таълим вазирлигининг ҳайъат қарори билан ушбу топшириқлар базасини экспертизадан ўтказиш бўйича масъул бўлган ОТМда мазкур фан бўйича олимпиадани ўтказиш ҳуқуқи 5 йил муддатга тухтатилади.