Mutaxassislikka kirish

Erkaklar vokal guruhi 

Erkaklar ovozi ham ansamblda ikkita asosiy partiya - tenor va bas 

partiyalariga bo‘linadi. Tenor partiyasi Do kichik oktavadan Do ikkinchi 

oktavagacha diapazonni qamrab olib, kichik oktava Mi tovushidan birinchi 

oktavaSol tovushigacha bo‘lgan oraliq ko‘proq qo‘llaniladi. Tenor partiyasi 

skripka kalitida bir oktava yuqorida, bas kalitida esa tabiiy yangrashi bo‘yicha 

yoziladi. 

Vokal cholg‘u ansambllarda falset bilan kuylash ham keng tarqalgan. Bunday 

holatda xonandaning imkon darajasidan kelib chiqib, diapazonning yuqori 

chegarasi ikkinchi oktava fa va undan ham baland bo‘lishi mumkin. 

Bas ovozining diapazoni katta oktava Sol tovushidan birinchi oktava Mi 

tovushigacha bo‘ladi va asosan katta oktava sol tovushidan birinchi oktava re 

tovushigacha bo‘lgan oraliq qo‘llaniladi. Asosiy kuy ko‘pincha yuqori va pastki 

ovozlarda bayon etiladi. 

Ayollar vokal guruhida ovozlar tembr jihatdan kam kontrast bo‘lganligi 

sababli kuy o‘rta ovozda bayon etilmaydi. Erkaklar guruhida esa kuy o‘rta va 

pastki ovozda ham ijro etilishi mumkin. 

Erkaklar vokal guruhida jo‘rovoz vazifasiga pedallarning va polifonik 

jo‘rovozlikning barcha turlarini kiritish mumkin.