Mutaxassislikka kirish

 

 

---

Aralash vokal guruhi 

Aralash vokal guruhining to‘liq tarkibi to‘rtta ayollar va to‘rtta erkaklar 

ovozlaridan iborat. Unda har bir ovoz alohida partiyani ijro etadi. Ovozlarning 

bo‘linish hollarida uzun cho‘zimlarni uzluksiz ijro etish uchun xor amaliyotida 

kuzatilgani kabi, ulama nafas olinadi. Bunda partiyani ijro etishda ijrochilar 

ketma-ket nafas olishadi. Shu tariqa yangrash vaqti uzaytiriladi. 

Aralash vokal guruhi odatda to‘rtta (kam hollarda ikki) nota yo‘lida yoziladi. 

Aralash vokal guruh uchun kuyni bayon etishda ayollar va erkaklar ovoziga 

xos bo‘lgan bayon etish uslublarini kombinatsiya qilish mumkin. Akkordli bayon 

etishda kuy erkaklar va ayollar guruhlarining yuqori ovozlarida yo‘naltiriladi. 

Ko‘pincha akkord har bir guruhda ikki ovozli bo‘lishi mumkin. Bunda erkaklar 

partiyasi ayollar ikki ovozligini oktava pastdan takrorlaydi. Unison va oktava 

aralash guruhlarda kuyni bayon etishda ko‘p qo‘llaniladigan uslublardan 

hisoblanadi. 

Vokal cholg‘u ansambli amaliyotida kuy yo‘nalishining kombinatsiyalangan 

usullari ham uchraydi. Erkaklar ovozi kuyni akkordli ko‘rinishda, ayollar ovozi 

esa bir vaqtning o‘zida ham unison, ham teskarisini kuylashi mumkin. 

Ayollar ovozida truba partiyasini unison kuy lash va shu vaqtning o‘zida 

trombon va saksofonlar partiyasini erkaklar ovozida taqlid qilish ansamblning 

effektli yangrashini hosil qilishi mumkin. Bu hollarda vokal guruh kuylashi 

kerak bo‘lgan bo‘g‘inlar (ta, da, bu va bsh.) aniq ko‘rsatilishi zarur. Imkoni 

boricha damli cholg‘ularning ovozlarini aniqroq ko‘rsatib bera oladigan 

bo‘g‘inlarni tanlash lozim. 

Bu kabi partituralarda vokalistlar partiyasida sakkiztalik va o‘noltitalik 

cho‘zimlarni cholg‘u partiyasiga xos ko‘rinishda yozish o‘rinlidir. 

Aralash vokal guruhning jo‘rovoz vazifasida erkaklar va ayollar guruhining 

barcha imkoniyatlariga hamda kombinatsiya va polifoniya imkoniyatlariga ega 

bo‘ladi. 5 ta odamgacha bo‘lgan aralash guruhlarda kuyning akkordli bayonida 

uni bir turdagi sifatida aranjirovka qilish lozim (aniq ijrochilarning tessiturasini 

inobatga olgan holda). Yuqoridagi tavsiyalar unisonlar va oktavalarga ham 

taalluqlidir.