Мутахассислик (таълим тизими менежменти) фанларини ўқитиш шакллари

Семинар турлари ва унинг ўзига хос хусусиятлари

Семинар турлари	Ўзига хос хусусиятлари
Семинар-фикрлар алмашинуви	Семинар машғулотини ташкил этишда манбалардан фойдаланилади ва турли фикрларни шакллантиришга эришилади
Семинар-иллюстрация	Семинар машғулоти манбалар билан ишлаш тарзида ташкил этилади ва материаллар иллюстрация тарзида намойиш этилади.
Эвристик семинар	Семинар изланишли-топшириқли тарзда ташкил этилади.

Амалий машғулотни ташкил этиш

• Амалий машғулот ўқув ишини ташкил этишнинг асосий шаклларидан бири бўлиб, экспериментал тавсифдаги мустақил топшириқларни талабаларнинг профессор-ўқитувчи билан биргаликда бажаришини ўзида акс эттиради.
• Амалий машғулотнинг бош мақсади – бирор бир фанга доир назарий қоидаларни амалий жиҳатларини очиб бериш; талабаларнинг ўрганилаётган қонуниятларни ўзига хосликлари ва намоён бўлиш шаклларини чуқур тушунишларини таъминлаш; бўлажак мутахассисларда ўрганилаётган объект билан амалий мулоқотга киришиш кўникмасини шакллантиришдир. Амалий машғулотлар талабаларнинг касбий компетентлигини шаклантиришда муҳим роль ўйнайди.

“Мустақил иш” тушунчаси

• Мустақил иш – таълимни ташкил этиш шаклларидан бири бўлиб, бунда талабалар ўз олдиларига у ёки бу вазифаларни, мақсадларни онгли равишда қўйиб, фаолиятни режалаштиради ва уни амалга оширади.
• Мустақил иш – ўқитувчининг топшириғи ва унинг раҳбарлигида ўқув вазифасини ҳал этадиган таълимни ташкил этиш шакли. Мустақил иш қўйилган мақсад билан боғлиқликда талабаларнинг аниқ фаолиятини ташкил этиш ва амалга оширишдир. Талабаларнинг мустақил ишлари уларнинг юқори даражадаги фаоллик, ижодийлик, мустақил таҳлил, ташаббускорликка асосланган фаолиятларидир.