Мустақилликка эришиш арафасида ўзбекистондаги ижтимоий-сиёсий жараёнлар. Мавзу режаси

Ахир, Қуръони карим ҳам дўстликка, биродарликка чақиради, низо чиқаришни қоралайди.
Жанжал чиққан юртнинг худоси ҳам ундан юз ўгирар экан. Шу сабаб барака ҳам, ризқ-рўз ҳам насия бўлиб қоларкан!”⁴.
Ислом Каримовнинг вазиятга реал баҳо бериш, ностандарт қарорлар қабул қилиш борасидаги қобилияти, халқнинг азм-у шижоати, қатъий иродаси, бағрикенглиги, бунёдкорлик кучига бўлган чексиз ишончи унинг ҳар бир нутқ ва маърузасида аниқ-равшан сезилиб туради. Улар билан танишганда, бир пайтнинг ўзида чуқур таҳлилий ва харизматик⁵ қобилиятга эга бўлган мана шундай шахсларгина тарих тақозо этганда бутун масъулият ва жавобгарликнинг залворли юкини ўз зиммасига олишга қодир бўлиши, ҳар томонлама теран ўйлаб, узоқни кўзлаб иш кўрган ҳолда, давлат ва жамият тараққиётида ҳал қилувчи аҳамиятга эга бўлган стратегик қарорлар қабул қила олишига амин бўлиш мумкин.
2. ЎЗБЕКИСТОНДА ИЖТИМОИЙ-ИҚТИСОДИЙ МУАММОЛАР, УЛАРНИ БАРТАРАФ эТИШ ҲАМДА
ХАЛҚ ТУРМУШ ДАРАЖАСИНИ КЎТАРИШ ЧОРАЛАРИНИНГ КЎРИЛИШИ

Ўзбекистоннинг мустақилликка эришиш арафаси (1989 – 1991)даги ижтимоий-иқтисодий аҳволни аниқ тасаввур этиш учун Ўзбекистон Президентининг “Ўзбекистон мустақилликка эришиш остонасида” асарига яна бир марта мурожаат қилиш мақсадга мувофиқдир.

“Биз республикамизда 1500 та йирик ишлаб чиқариш бирлашмаси ва кор­хонаси ишлаб тургани ҳақида, революцсиядан аввал бир йил давомида ҳосил қилинган миқдордаги электр энергия ҳозир тўрт кунда ишлаб чиқарилаёт­гани ҳақида ҳамиша фахрланиб гапирар эдик. Биз газ қазиб олиш соҳасида мамлакатда тўртинчи ўринда турибмиз. Қишлоқ хўжалигимиз мамлакатдаги пахтанинг учдан икки қисмини, қоракўл терининг учдан бир қисмидан кўпроғини, пилланинг 60 фоиздан зиёдини, кўп миқдордаги каноп, мева, узум, сабзавот ва полиз маҳсулотларини етиштириб бермоқда.