Murakkab sharoitlarda neft va gaz quduqlarini qazish

G illi eritmalarni tozalash-Eritmalarni burg‘ilanayotgan tog‘ jinsi bo‘laklaridan va abraziv zarrachalardan tozalashda tebranma elak, degazator, sentrifuga, qum ajratuvchi gidrotsiklon (GSK – 360 m), loyka ajratuvchi gidrotsiklon (SG-45m) va cho‘kma salniksiz nasos (PBN) keng qo‘llaniladi.

5.12-rasm. Gilli eritmalarni tozalash.

а) Tebranma elak (SV-2, SV1LM). Tebranma elak (SV-2) gorizontal tekislikka nisbatan 12-180 burchakda qiyshaygan ikki tebranma romdan tashkil topadi. U tarqatish navi va ikki elektr dvigateli bo‘lgan umumiy ko‘chmas romga o‘rnatilgan. Har qaysi tebranma romning oxirida ikkita maxsus barabani bo‘ladi. Unga oraliq tayanchi bo‘lgan to‘r tortiladi. Odatda to‘r diametri 0,025 yoki 0,035 m li zanglamas po‘latdan tayyorlanadi. To‘rning har bir santimetriga 16-12 ta teshik to‘g‘ri keladi. Romga ekssentrik val o‘rnatilgan va ular elektr dvigateli yordamida harakatga keltiriladi. To‘rning tebranishi natijasida gilli eritmaning tiksotrop strukturasi buziladi, shartli qovushqoqligi kamayadi. To‘r orqali sizilgan va burg‘ilangan tog‘ jinsi bo‘laklaridan ajralgan gilli eritmalar yig‘uvchi idishga, keyin yon tarnov orqali aylanish sistemasining maxsus sig‘imli idishiga quyiladi. Burg‘ilangan tog‘ jinsi zarrachalari tebranish ta’sirida to‘rning qiya yuzasidan chiqarib tashlanadi.