Murakkab sharoitlarda neft va gaz quduqlarini qazish

5.16-rasm. Qumajratgich.
Qum ajratuvchi gidrotsiklon (GSK-360M). Burg‘ilash eritmasini qumdan tozalash uchun gidrotsiklon qo‘llanadi. Hozirda eng ko‘p tarqalgani gidrotsiklon GSK-360m turidagidir. Eritmadan ajratiladigan zarrachalarning o‘lchami 0,005-0,016 m. Loyqa ajratuvchi gidrotsiklon (SG-45M). SG-45M o‘lchami 0,08 m dan kichik bo‘lgan zarrachalarni burg‘ilash eritmasidan ajratishga mo‘ljallangan.

Gilli eritmalarning sifatini nazorat qilish. Burg‘ilash jarayonida gilli eritmalarning bir sutkadagi ko‘rsatkichlarining o‘zgarishini nazorat qilish uchun har bir quduq maxsus o‘lchov asboblari bilan ta’minlanadi.

Agar bir vaqtning o‘zida bir necha quduqlar burg‘ilanayotgan bo‘lsa, yuvish eritmalarining ko‘rsatkichlari maxsus avtomashinalarda jihozlangan laboratoriyalar yordamida amalga oshiriladi.

Burg‘ilanayotgan har bir quduqda eritmalarning quyidagi ko‘rsatkichlari o‘lchanadi:

1) eritmaning suv beruvchanligi, pardaning qalinligi, siljishning statik kuchlanishi, qabo’l sig‘imidagi cho‘kmaning balandligi (bir vaxtada ikki marta).