Murakkab sharoitlarda neft va gaz quduqlarini qazish

Burg‘ilash quvurlar birikmasining quduqqa tushishi. Burg‘ilash quvurlar birikmasining quduqqa tushib ketishi quyidagi vaziyatlarda sodir bo‘ladi: burg‘ilash quvurlari birikmasini bir boldoq (shtropa)da ko‘targanda; elevator lo‘kidonining bo‘sh mahkamlanganligi natijasida, elevator muftadan chetga surilganda, lo‘kidonning ochilishi natijasida quvurlar birikmasining quduqqa tushishi; ko‘tarish ilgak lo‘kidoni konstruksiyasining mukammal emasligi; ilgak yon stvolining sinishi; to‘xtatkich tizimining buzuqligi, to‘xtatkich tasmasining va to‘xtatkich shkivining uzilishi, to‘xtatkich qismining yeyilishi, to‘xtatkich tizimi ulanish qismining yeyilishi, to‘xtatkich richagining ponalanishi, to‘xtatkich richagi saqlovchi moslamasining nosozligi, to‘xtatkich rezba ulanishlarining buzilishi; ko‘tarish-tushirish vaqtida burg‘ilash quvurlar birikmasi elementlarining sinishi va buzilishi. Burg‘ilash quduqlariga tushib ketgan burg‘ilash quvurlari birikmasini yuqoriga chiqarish frezerlash va tutkich asboblari yordamida amalga oshiriladi.

Quduqlarni burg‘ilashda halokatlarni oldini olish tadbirlari Burg‘ilashni boshlashdan oldin quduq burg‘ilashning tikligi (vertikalligi)ni ta’minlovchi burg‘ilash qurilma bo‘g‘inlarining to‘g‘ri yig‘ilganligini tekshirish; burg‘ilash jarayonida burg‘ini quduqqa siltamasdan asta-sekin silliq tushirish;