Mundarija kirish Xom ashyo mahsulotlarining tavsifi Tayyor mahsulot tavsifi Jarayonning fizik kimyoviy asoslari Texnologik sxema bayoni Texnologik ishlab chiqarishdagi asosiy jixoz hisobi 1

MUNDARIJA
1.Kirish……………………………………………………………………………….
2.Xom - ashyo mahsulotlarining tavsifi……………………………………..……......
3.Tayyor mahsulot tavsifi……………………………………………………………..
4.Jarayonning fizik - kimyoviy asoslari………………………………………………
5.Texnologik sxema bayoni………………………………………………………….
6.Texnologik ishlab chiqarishdagi asosiy jixoz hisobi
6.1 Moddiy va issiqlik hisobi………………………………………………………………..
6.2 Asosiy jixozning hisobi………………………………………………………………….
7.Mexanik hisob……………………………………………………………………..
8.Gidravlik hisob…………………………………………………………………….
9.Asosiy jixozning bayoni…………………………………………………...………
10.Texnologik jarayonlarni avtomatlashtirish……………………………………….
11.Mehnatni va atrof muhitni muhofaza qilish……………………………………...
12.Xulosa……………………………………………………………………………
13.Adabiyotlar……………………………………………………………………….

1.Kirish
Kimyo sanoati va ishlab chiqarilgan kimyoviy mahsulotlar mustaqilligimizning moddiy – texnikaviy bazasini yaratishda muhim o`rin tutadi. Bundan tashqari kimyoviy sanoatning tez suratlarda rivojlanishdagi asosiy sharoitlardan biri, sanoatni xom ashyo bilan yetarlicha darajada ta`minlash, undan to`la va to`g`ri foydalanishdan iboratdir.
Prezidentimiz Sh.M.Mirziyoyev tashabbuslari bilan so`nggi yillarda kimyo sanoati korxonalarini moliyaviy – iqtisodiy sog`lomlashtirish va ularning faoliyatini barqarorlashtirish, amaldagi ishlab chiqarishlarni modernizatsiya qilish, uglevodorod xom ashyosi va mineral resurslarni chuqur qayta ishlash bo`yicha yangi quvvatlarni barpo etishga qaratilgan investitsiya loyihalarini amalga oshirish orqali tarmoqni yanada rivojlantirishning asosiy yo`nalishlarini belgilab berish, shuningdek, ishlab chiqarilayotgan yuqori qiymatli kimyoviy mahsulotlar nomenklaturasini kengaytirish borasidagi chora – tadbirlar amalga oshirildi.
O`zbekiston Respublikasi kimyo sanoati yuzlab turdagi xalq va qishloq xo`jaligi uchun zarur bo`lgan mahsulotlarni ishlab chiqarishda shular jumlasiga kiradi. Bularga: “Navoiyazot” AJ, “Chirchiq elektrokimyo ishlab chiqarish birlashmasi”, “Samarqand va Olmaliq” kimyo zavodlari va bularga yana O`zbekistonda katta zavod “Farg`onaazot” AJ misol bo`ladi.
Sanoati kun sayin o`sish va qishloq xo`jalik mahsulotlariga talab ortishi bilan mineral tuzlarga (o`g`itlarga) bo`lgan ehtiyoj ortib bormoqda. Hozirgi kunda insoniyat oldida turgan muammolardan biri ozuqa mahsulotlarini va sanoatni xom ashyo bilan ta`minlashdir.
Deyarli hosildor yerlar hozirgi paytda qishloq xo`jalik mahsulotlari olish uchun band desak bo`ladi. Kundan kun o`sib borayotgan aholi soni va uni ehtiyojini qondirish yerdan yuqori darajada foydalanishni talab qiladi. Shu sababli ham hosildorlikni oshirishning birdan – bir asosiy yo`li mineral o`g`itlar ishlab chiqirashni rivojlantirishdan iborat.
Mineral o`g`itlar o`simlik va yerning unumdorligini oshirishda asosiy vosita bo`lsa, o`g`it ishlab chiqarish uchun nitrat kislota xom ashyo hisoblanadi.
Hozirgi kunda qishloq xo`jaligini rivojlantirishda kislota ishlab chiqarishning ahamiyati juda kattadir.
Nitrat kislota asosan sanoatda ikki xil: suyultirilgan va konsentrlangan holatda ishlab chiqariladi. Suyultirilgan nitrat kislotadan sanoatda ko`plab mineral o`g`itlar olishda ishlatiladi. Shular jumlasiga, ammoniy selitra, kaliy nitrat, ammoniy sulfat va boshqa o`g`itlarni misol qilishimiz mumkin. Bundan tashqari nitrat kislotadan bo`yoq, portlovchi moddalar, plastmassalar, su`niy tolalar, va turli nitratlar olishda keng foydalaniladi.
O`zbekistonda nirat kislota g`oyat ko`p miqdorda ishlab chiqariladi. Ammiakni oksidlash yo`li bilan nitrat kislota ishlab chiqaruvchi katta – katta zavodlarimiz bor. Shu jumlasiga, “Navoiyazot” AJ, “Farg`onaazot” АJ ishlab chiqarish birlashmalari kiradi. Men kurs loyihamni “Farg`onaazot” AJ ning nirat kislota ishlab chiqarish sexi haqida ma`lumot yig`ib o`rgandim.