Mundarija Kirish me’yoriy hujjatlar Atamalar va ta’riflar 4

Huquqiy choralar
Istitutda axborot xavfsizligini ta’minlash bo‘yicha normativ hujjatlar, masalan, O‘zbekiston Respublikasining qonunlari, axborotni qayta ishlash va foydalanish jarayonida axborot munosabatlari ishtirokchilarining huqulari va majburiyatlarini belgilovchi, shuningdek, ushbu qonunlarni buzganlik uchun javobgarlikni belgilaydigan tartibga soluvchi me’yorlar va normalar mavjud.


Tashkiliy tadbirlar
Istitutda zaruriy chora-tadbirlarni amalga oshirish va resurslarni yetarli darajada taqsimlash orqali axborot xavfsizligini ta’minlash bo‘yicha ishlar olib boriladi, jumladan:
- axborot xavfsizligi siyosati va u asosida qabul qilingan tegishli hujjatlarni qayta ko‘rib chiqish;
- asosiy tahdidlarning axborot resurslariga ta’siri bo‘yicha sezilarli o‘zgarishlarni monitoring qilish;
- xodimlarni axborot xavfsizligi siyosati va unga aloqador hujjatlar to‘g‘risida xabardor qilish;
- xavfsizlikni buzilishiga javob berish.
Axborot tizimining konfiguratsiyasi va uning elementlarini o‘zgartirish tartibi axborot tizimining amaldagi hujjatlari bilan tartibga solinadi. Axborot tizimiga kiritilgan xar qanday o‘zgarishlar oldindan axborot xavfsizligiga mas’ul bo‘lgan xodim bilan kelishilgan bo‘lishi kerak.
Tashkilotning xar bir xodimi axborotning maxfiyligi (oshkor etmasligi) to‘g‘risida bitim tuzadi.
Bundan tashqari tashkilot xodimlarining barchasi, shu jumladan stajorlar xam ushbu axborot xavfsizligi siyosatining 20-ilovasiga muvofiq tanishib chiqqanligi haqida imzo chekishlari kerak.
Rahbariyat axborot xavfsizligi sohasida kadrlar malakasini oshirish va o‘qitishni muntazam nazorat qilishi lozim.
Texnik choralar
Axborot tizimi tarmoq resurslaridan erkin foydalanishni boshqarish imkonini beradi. Axborot tizimi quyidagilarni ta’minlaydi:
- foydalanuvchilarni ro‘yxatga olish;
- foydalanuvchilarni identifikatsiya va autentifikatsiya qilish;
- ob’ektga muvaffaqiyatli va muvaffaqiyatsiz kirish xollarini aniqlash;
- parolni boshqarish (murakkab parollar ishlatiladi);
Istitut uskunalari ruxsatsiz kirishga imkon bermaydigan qilib joylashtirish.
Axborot tizimi faoliyat yuritadigan barcha qurilmalarda uzluksiz quvvat manbai o‘rnatish, bu qurilmalarning to‘g‘ri uzluksiz ishlashini ta’minlash.