Mundarija Kirish I bob. Topologik fazolarning xossalari

Malakaviy bitiruv ishining predmeti: Topologik fazolarning hamda
Hattori fazosining ba’zi topologik va kardinal xossalari.
Mavzuning o‘rganilganlik darajasi: Respublikamiz olimlaridan Sh.A.
Ayupov, R.B. Beshimov, T.F. Jo’rayev, D.A. Davletov, G’.F. Djabborov, F.G’. Muhamadiyev, A.A. Zaitovlar tomonidan e’lon qilingan bir qancha ilmiy ishlarda topologik fazolarning hamda Hattori fazosining ba’zi topologik va kardinal xossalari to’la o’rganilgan va muhim natijalar olingan.
Malakaviy bitiruv ishining nazariy asoslari: O‘zbekiston
Respublikasi “Ta’lim to‘g‘risida”gi qonuni, “Kadrlar tayyorlash
milliy dasturi”, O‘zbekiston Respublikasi Prezidenti I.A.
Karimovning kadrlar tayyorlash tizimini takomillashtirishga
bag‘ishlangan asarlari, farmonlari, O‘zbekiston Respublikasi
Vazirlar Mahkamasi tomonidan ta’limga oid, kadrlar tayyorlash
muammolariga, kasb – hunar ta’limini takomillashtirish bo‘yicha
chiqarilgan qarorlari tashkil etadi.
Bitiruv malakaviy ishining strukturaviy tuzilishi: Kirish, ikki bob, jami yettita paragraf, xulosa, glossary va foydalanilgan adabiyotlar ro‘yxatidan tashkil topgan.
Bitiruv malakaviy ishning kirish qismida mavzuning dolzarbligi, bitiruv
malakaviy ishning maqsadi, obyekti, predmeti, vazifalari uning tuzilishi haqida
ma’lumotlar berilgan
Birinchi bobda asosan to’plamlar nazariyasi, topologik fazolar, topologik fazolarning fazolarning topologik hamda kardinal xossalari haqida so’z yuritiladi.
Ikkinchi bobda Hattori fazosi hamda Hattori fazosining topologik va kardinal xossalari haqida ma’lumotlar beriladi
Xulosa qismida bitiruv malakaviy ishda olingan asosiy natijalar
keltirilgan.


I BOB. Topologik fazolar. Topologik fazolarning xossalari
1.§. To'plamlar nazariyasi elementlari
To‘plam eng muhim matematik tushunchalardan biridir. Bu tushuncha matematika faniga to‘plamlar nazariyasining asoschisi bo‘lgan nemis matematigi Georg Kantor (1845 – 1918) tomonidan kiritilgan. Georg Kantorning g‘oyalari matematiklar orasida dastlab ishonchsizlikka uchragan bo‘lsada, keyinchalik keng taraqqiy etdi va XX asrda deyarli butun matematika to‘plamlar nazariyasi nuqtai nazaridan qaytadan qurildi.
To’plam hozirgi kunda matematikaning eng umumiy va shu bilan birga eng boshlang’ich tushunchalaridan biridir.
Matematikada to’plam deganda narsalarning, hodisalarning ixtiyoriy majmuyi (sinfi, birlashmasi) tushuniladi. To’plamlarni tashkil etuvchi narsalar, hodisalar uning elementlari deb ataladi. Ko’pincha to’plamning elementlari o’zlarining bir yoki bir nechta xossa va belgilari bilan to’plamga kirmagan narsalardan, hodisalardan ajraib turadi. Masalan, barcha natural sonlarni birgalikda qarash natural sonlar to‘plamini, to‘g‘ri chiziqda yotuvchi nuqtalarni birgalikda qarash shu to‘g‘ri chiziq nuqtalarini birgalikda qarash shu to‘g‘ri chiziq nuqtalarini to‘plamini beradi.