Mundarija kirish I. Bob she’riy san’atlar

Tadqiqotning maqsadi. Adabiyot darslarida mumtoz she’riy asarlar bilan bog‘liq nazariy ma’lumotlarni o‘rgatish, aruz she’riy tizimiga oid asarlarni sharhlashning samarali usullarini ishlab chiqishdan iborat.
Tadqiqotning vazifalari. Bitiruv malakaviy ishini yoritish davomida:
-akademik litseylardagi adabiyot darslarida mumtoz asarlarni sharhlab o‘rgatishning usul va uslublarini yaratish;
-mumtoz she’riy asarlar bilan bog‘liq nazariy ma’lumotlarni o‘quvchilar onggiga yetkazishning samarali usullarini ishlab chiqish masalalariga e’tibor qaratildi;
-mumtoz she’riy asarlarni sharhlab o‘rgatishninng o‘rni va ahamiyatini aniqlash;
- aruz vaznidagi asarlarni o‘rgatish bo‘yicha tavsiyalar berish kabilar asosiy
vazifalar sifatida belgilab qo‘yildi.
Tadqiqotning obyekti. Adabiyot darslarini tashkil etish haqidagi ilmiy ishlar, akademik litsey dastur va darsliklari mazkur ishga jalb qilindi.
Tadqiqotning predmeti. Akademik litsey dastur va darsliklaridan joy olgan mumtoz she’riy asarlarni o‘rgatish usullarini tadqiq qilish.
Ishning ilmiy yangiligi. Ishda o‘zbek adabiyoti o‘qitish nazariyasi va metodikasidagi mavjud qarashlar asosida adabiyot darslarida mumtoz she’riy asarlarni sharhlab o‘rgatish haqidagi fikrlar umumlashtirilib, chuqur ilmiy-nazariy xulosalar chiqarildi. Bunda:
- adabiyot darsliklarida aruz she’riy tizimiga oid nazariy tushunchalarning berilishi bo‘yicha munosabat bildirildi;
- mumtoz asarlarni sharhlash va uni o‘qitishdagi murakkabliklar aniqlanib, o‘quvchilar ongiga yetkazish usullari o‘rganildi.
- mumtoz she’riy asarlarning sharhlangan matni ustida ishlashda ifodali o‘qishning o‘rni va ahamiyati haqidagi fikrlar umumlashtirildi;
- mumtoz asarlar bitilgan tizim ya’ni aruz she’riy tizimining o‘ziga xosliklari tadqiq qilindi hamda mazkur vaznda bitilgan adabiyot durdonalarini o‘qitish bo‘yicha tavsiyalar berildi.
Tadqiqot natijalarining ilmiy va amaliy ahamiyati.Tadqiqotning ilmiy qimmati adabiyot darslarida aruz she’riy tizimida yaratilgan mumtoz asarlarni o‘rgatishga bag‘ishlanganligi bilan harakterlanadi. Shuningdek, tadqiqotning xulosalari va tahlil materiallari akademik litseylarining adabiyot darslarida she’riy tizimlarga oid nazariy tushunchalarni o‘rgatish va sharhlash masalalariga oydinlik kiritadi va o‘rgatishda adabiyot o‘qituvchilari uchun manba bo‘la oladi. Shuningdek, darsdan tashqari mashg‘ulotlarni o‘tkazishda ham tadqiqot materiallaridan unumli foydalanish mumkin.
Ishning tuzilishi va hajmi. BMI ikki bob, umumiy xulosalar va foydalanilgan adabiyotlar ro‘yxatidan iborat. Ishning umumiy hajmi __ sahifani tashkil qiladi.