Mundarija kirish 3 I bob. Adabiyotlar sharhi

Tadqiqot mavzusi boʻyicha qisqacha adabiyotlar sharhi: Magistrlik dissertatsiyasining adabiyotlar sharhida bazidial zamburugʻlarning tarqalishi va kimyoviy tarkibi, melaninning olinish manbalari, ajratish usullari, tuzilishi va xossalarining fizik-kimyoviy tahlillari, shuningdek, ishlatilish sohalari va ultratovushli ekstraksiyalashning samaradorligi boʻyicha adabiyotlar tahlil qilingan.
Tadqiqotda qoʻllanilgan usullarning tavsifi: Zamburugʻ xomashyosi tarkibidagi melaninni ajratib olish va oʻrganishda ekstraktsiyalash, haydash, filtrlash, quyultirish, choʻktirish, dializlash, liofil quritish va fizik-kimyoviy usullar (IQ-, UB-, YaMR- spektroskopiya va Rentgen difraktometrik tahlil usullari) qoʻllanilgan.
Tadqiqot natijalarining nazariy va amaliy ahamiyati: Melanin biologik faol modda boʼlganligi uchun turli sohalar: farmatsevtika, tibbiyot, kosmetika va turli ishlab chiqarish sohalarida keng qoʻllaniladi. Pigmentdan turli kasalliklarni davolashda preparatlar yaratish mumkin. Ultratovush apparati yuqori samaradorlikka ega boʻlib, kam vaqt va energiya sarflab yuqori unum bilan melanin ajratishga imkon beradi.
Dissertatsiya ishining aprobatiyasi: Mazkur tadqiqot natijalari 3ta, jumladan 1 ta xalqaro va 2 ta respublika ilmiy-amaliy anjumanlarida e’lon qilingan va muhokamadan oʻtkazilgan.
Olingan ishlar natijasi “Ilm-fan taraqqiyotida zamonaviy metodlarning qoʻllanilishi” ilmiy jurnalida 1 ta tezis (27.05.2021), “Oʻzbekistonda tabiiy birikmalar kimyosining rivoji va kelajagi” ilmiy amaliy konferensiyasida 1 ta tezis (27.05.2021) chop etildi.
Dissertatsiya ishining tuzilishi va hajmi: Magistrlik dissertatsiya ishi 50 betdan iborat kompyuter matnida bayon etilgan boʻlib, u kirish, adabiyotlar sharhi, olingan natijalar tahlili, tajriba qismi, xulosalar, foydalanilgan adabiyotlar roʻyxati va ilovalardan iborat. Ishning kirish qismida mavzuning dolzarbligi, maqsadi va vazifalari, ilmiy yangiligi batafsil yoritilgan. Аdabiyotlar sharhi bobida esa zamburugʻ mevatanasining tarqalishi, kimyoviy tarkibini aniqlashga doir manbalarga asoslanilgan. Ishning ikkinchi bobida olingan natijalar tahlil qilindi. Uchinchi bobda foydalanilgan qurilmalar, asboblar va reaktivlar roʻyxati kiritildi va barcha bajarilgan ishlar metodikalari batafsil bayon qilindi.
Olingan tajriba natijalari 1 ta jadval, 5 ta rasm va 2 ta grafikda aks ettirilgan. Dissertatsiya ishi 137 ta adabiyotdan foydalanib yozilgan.
Magistrlik ishi OʻzR FА akademik O.S.Sodiqov nomidagi Bioorganik kimyo instituti, “Biologik faol makromolekulyar tizimlar laboratoriyasi”da olib borildi va bu jamoaga ishning bajarilishida koʻrsatgan amaliy va ilmiy yordamlari uchun oʻz minnatdorchiligimni bildiraman.