Mundarija kirish 2

O‘zbekiston Respublikasi Davlat geologiya va mineral resurslar qo‘mitasiga 2022 yilda respublika byudjetidan 1 105,2 mlrd. so‘m mablag‘, shu
jumladan vazirlikning joriy xarajatlariga 1 026 mlrd. so‘m, ob’ektlarni loyihalashtirish, qurish (rekonstruksiya qilish) va jihozlash uchun kapital qo‘yilmalarga 79,2 mlrd. so‘m ko‘zda tutilgan.
Ushbu mablag‘lar asosan 2022 yilda mineral-xomashyo bazasini rivojlantirish va qayta tiklash davlat dasturini amalga oshirish uchun geologiya-qidiruv ishlarini moliyalashtirishga 1 000 mlrd. so‘m mablag‘ ko‘zda tutilgan.
O‘zbekiston Respublikasi Tashqi ishlar vazirligiga 2022 yilda respublika byudjetidan 577,2 mlrd. so‘m mablag‘, shu jumladan vazirlikning joriy xarajatlariga 497,2 mlrd. so‘m, ob’ektlarni loyihalashtirish, qurish (rekonstruksiya qilish) va jihozlash uchun kapital qo‘yilmalarga 80,0 mlrd. so‘m ko‘zda tutilgan.
Jumladan vazirlikning joriy xarajatlari tarkibida O‘zbekiston Respublikasining xorijdagi elchixonalari va konsullik idoralarini saqlash uchun 327,7 mlrd.so‘m mablag‘ rejalashtirilgan.
Bundan tashqari, O‘zbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarni qabul qilishni uyushtirish uchun Davlat byudjetidan 17 mlrd.so‘m ajratilishi rejalashtirilgan.
O‘zbekiston Respublikasi Investitsiyalar va tashqi savdo vazirligiga 2022 yilda respublika byudjetidan vazirlikning joriy xarajatlariga jami 415,8 mlrd. so‘m mablag‘ ko‘zda tutilgan.
Jumladan vazirlikning joriy xarajatlari tarkibida:
Eksportni rag‘batlantirish agentligi tomonidan eksportga ko‘maklashish va uni rag‘batlantirishni kuchaytirish uchun byudjetdan ajratiladigan mablag‘lar 169,8 mlrd.so‘m;
eksport qilishda transport xarajatlarining bir qismini kompensatsiya qilish uchun 110,0 mlrd.so‘m;
eksport qiluvchilar garov sifatida sug‘urta xizmatlaridan foydalanganda sug‘urta mukofotini qoplash xarajatlariga 18,7 mlrd.so‘m;
O‘zbekiston Respublikasi rahbarlari va delegatsiyalarining xorijiy mamlakatlarga tashriflarini va chet el delegatsiyalarini, davlat va siyosiy arboblarni qabul qilishni uyushtirish uchun Davlat byudjetidan 21 mlrd.so‘m ajratilishi rejalashtirilgan.