Mundarija kirish 2

O‘zbekiston Respublikasi Suv xo‘jaligi vazirligiga 2022 yilda respublika byudjetidan 3 440 mlrd. so‘m mablag‘, shu jumladan vazirlikning joriy xarajatlariga 2 190 mlrd. so‘m, ob’ektlarni loyihalashtirish, qurish (rekonstruksiya qilish) va jihozlash uchun kapital qo‘yilmalarga 1 250 mlrd. so‘m ko‘zda tutilgan.
Suv xo‘jaligi vazirligiga tizim tashkilotlari bilan birga cuv xo‘jaligi sohasi tashkilotlarini saqlash va dasturlarini amalga oshirish uchun jami 4,7 trln.so‘m mablag‘lar ajratilishi kutilmoqda.
Shu jumladan, nasos stansiyalari tomonidan iste’mol qilinadigan elektr energiyasi xarajatlarini qoplash uchun 3,1 trln. so‘m, nasos stansiyalarida
energiya samarador nasoslar (15,3 mlrd. so‘m) va elektrodvigatellarni (59,2 mlrd. so‘m) sotib olish uchun jami 74,5 mlrd. so‘m va energiya tejamkor qurilmalar sotib olish uchun 5,3 mlrd. so‘m mablag‘lar ajratish kutilmoqda.
Buning natijasida, qishloq xo‘jaligi yerlarini sug‘orish uchun 56,2 mlrd. kub metr suv bilan ta’minlash uchun 7,3 mlrd. kv/soat elektr energiyasi iste’mol qilinadi hamda 1,0 mln. gektar paxta, 1,2 mln. gektar boshoqli don va boshqa qishloq xo‘jaligi ekin maydonlari o‘z vaqtida sug‘orilishining moliyalashtirilishi ta’minlanadi.
Shuningdek, 2022 yil davomida Suv xo‘jaligi vazirligi tizimidagi suv xo‘jaligi ob’ektlarda quyidagi bir qator tadbirlar amalga oshirilishi kutilmoqda, jumladan:
nasos stansiyalarida 181 dona yangi energiya samarador nasoslar uchun 17,6 mlrd.so‘m va 354 dona yangi elektrodvigatellarga almashtirish uchun 58,1 mlrd.so‘m;
3 dona yirik suv inshootlari ob’ektlarida nazorat-o‘lchash uskunalar hamda xabar berish tizimlarini modernizatsiya qilish, tiklash va yangilash uchun 15 mlrd.so‘m;
real vaqt rejimida suvni nazorat qilish va uning hisobini yuritish uchun suv xo‘jaligi inshootlarida 4 540 dona “Smart Water” tizimlarini o‘rnatishga 77,1 mlrd.so‘m;
20 ta ob’ektda boshqarish jarayonlarini avtomatlashtirishga 8,0 mlrd.so‘m; 2 050 dona meliorativ kuzatuv quduqlarini avtomatlashtirilgan
monitoring tizimiga o‘tkazishga 24,6 mlrd.so‘m;
elektr energiyasidan foydalanish samaradorligini oshirish maqsadida jami 4 466 dona quyosh batareyalari, chastota o‘zgartiruvchi va kondensator qurilmalari hamda boshqa turdagi energiya tejovchi qurilmalarni o‘rnatishga 5,1 mlrd.so‘m;
15 029 metr uzunlikdagi yuqori kuchlanishli kabellarni yangisiga almashtirish 1,9 mlrd.so‘m ko‘zda tutilgan.
Shuningdek, suv xo‘jaligi ob’ektlarini davlat-xususiy sheriklik tamoyillari asosida xususiy tashabbuskorlarga foydalanishga berish bo‘yicha 42 ta loyiha amalga oshirilishi rejalashtirilgan.
Suv resurslaridan foydalanish samaradorligini oshirish hamda elektr energiya sarfini kamaytirish hamda qishloq xo‘jaligi ekinlarini yetishtirishda suvni tejaydigan texnologiyalarni joriy etish ko‘lamini kengaytirish maqsadida 2022 yilda jami 260 ming gektar, shu jumladan 230 ming gektar paxta maydonlarida suvni tejaydigan texnologiyalar joriy etish 540,0 mlrd.so‘m rejalashtirilgan.