Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Кўчатчиликни ташкил этиш.Бу пакана ва баланд бўйли пайвандтаглар вегетатив йўл билан кўпайтирилади. Резавор мева ўсимликлари – кулупнай, малина, смародина ва крижовник кўчатлари етиштириладиган она боғлар ҳам шу бўлим таркибига киради.
Кўчатзор бўлимларнинг майдони кварталларга бўлинади: Бу кварталлар пайвндтаг етиштириш учун 5 – 8 гектар ерга, кўчатларга шакл бериладиган далалар эса 8 – 10 гектар бўлади.
Ҳар бир квартал 0,5 – 1 гектар катталикдаги катакларга бўлинади.
Кўчатзорда унинг ҳудудини узунасига ва кўндалангига кесиб ўтадиган, эни 8 – 10 метр келадиган магистрал йўллар қурилади.
Уруғлар кузда ва баҳорда экилади. Уруғлар уларнинг катта-кичиклигига, тупроқнинг сифатига қараб 2,0 – 2,5 см, 3 – 3,5 см. 4 – 5 см, 5,5 – 6 см. ва 7 – 8 см. чуқурликкача экилади. Уруғларниэкиш меъёри уруғларнинг йирик- майдалиги, уларнинг унувчанлиги, экиш муддатти ва уруғ кўчатларининг қалинлигига боғлиқдир. Уруғлар лента усулида икки қатор қилиб, қаторлар ораси 20 – 25 см, лента орасида 70 – 80 см. қилиб экилади. Бунда 1 гектарга олма, нок вабеҳи уруғи 150 – 200 кг, олча ва ёввойи гилос уруғи 250 – 500 кг, тоғ олча уруғи 400 – 500 кг, тиканли олхўри уруғи 300 – 400 кг. сарфланади.
Олма, нок, антипка, олча уруғлари СОН – 2,8, СКОШ – 2,8А, сеялкаларида экилади. Уруғи йирик данаклилар ПС – 4 ўрмон сеялкасида эқилиши мумкин. СПН – 4 маркали махсус мева сеялкаси эса барча мева турлариуруғларини экади. Экиш тугаши билан эгатларга сув берилади.
Ниҳоллар иккитадан чинбарг чиқариши билан бир – биридан 2,5 – 30 см. дан 4 – 6 см. гача оралиқ қолдириб яганаланади. Бутун вегетатив даврида уруғ кўчатлари тупроқнинг меҳаник таркибига қараб 7 – 14 марта суғорилади. Қатор оралари ҳар галги суғоришдан кейин 10 – 12 см. чуқурликда 5 – 6 марта КОН – 2,8, КРН – КСВ – 25, НКУ – 4 – 6 култиваторлари ёрдамида юмшатилади.
Кўчатлар махсус кўчат ковлайдиган плуг – ВП –2 ёки трактор билан ишлайдиган ВПН – 2 осма плуг билан ковлаб олинади. Кўчатларнинг ҳар бир нави ковлаб бўлинганидан кейин бошқа нави ковланади. Ковланиб олинган кўчатлар шу ернинг ўзида хилланади ва вақтинча ёки қишда сақлаш учун кўмиб қўйилади. Хўжаликларгажўнатиладиган кўчатларга кўчатзор хўжалиги пайвандтагларнинг тури, стандарт нави жўнатилган кўчатлар миқдори ҳамда нави кўрсатилган гувоҳнома берилади.