Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

10.4.2– Жадвал.
Сабзавот етиштиришнинг иқтисодий самарадорлиги

Кўрсаткичлар	Очиқ ерда	Ҳимоя қилинган жойда	Шу жумладан
			Иссиқхона	Иситилган тупроқда
Ҳосилдорлик 1 га, ц.	130,9	755,5	1300,4	315
Ҳосилдорликни ўсиши, %	100	577,2	993,4	240,6
1 ц сабзавотга меҳнат сарфи, киши, соат	6,7	18,6	22,5	9
Сабзавот ишлаб чиқариш ҳаражатлари, 1 га, минг сўм	1220	32,5	62,9	7,9
1 ц сабзавот таннархи, минг сўм	2,5	64,4	70,4	40,5

Таҳлиллар асосида иссиқхонага қараганда тупроқни иситиб вақтинча плёнка ёпилган жойда етиштирилган сабзавот ҳосилдорлиги 15,4 фоизга ошганлигини кузатиш мумкин. Таннарх 2 баробарга камайган.

Плёнка ёпилган жойда экин экиладиган иншоот самарадорлигини ошириш учун:
а) торф аралашмаси билан тўйинтирилган тупроқга 30-40%, оддий ерга 10-20% кўчат экиш ва 40-50% уруғлик экиш лозим;
б) қисқа вақт ичида сифатли ҳосил берадиган навни танлаш лозим;
в) экин майдонларини чидамли полимер плёнка билан ўраш лозим.
Парниклар, иситилган тупроқ ва иссиқхона сингари экин экиладиган иншоотдир. Унда асосан очиқ далада экиш учун кўчатлар етиштирилади. Кўпчилик хўжаликларда парниклар биологик ёки техник иситиш тизимида плёнка ёки ойнаванд тарзда қурилади. Плёнка билан ёпилган парникларда кўчат учун сабзавотларни ўрта пишар нави экилади. Парник қурилишига (ёғоч, темир бетон) материаллар турига қараб 8-10 минг сўм атрофида пул сарфланади. Парник ромларидан олинадиган ҳосил ҳажми ўзгариб туради, яъни 1,5кг дан 6,5кг гача ёки кўчат бўлса 500-1000 ёки 1200 донагача етиштириш мумкин. Техник иситиш имкониятлари йўқ деҳқон ва фермерлар биологик иситиш усулидан фойдаланадилар. Биологик усулда иситиш билан етиштирилган кўчатлар саноат асосидаги сабзавотчилик талабларига тўлиқ жавоб бермайди. Бу усул бирмунча эскирган усулдир. Сабзавотчилик самарадорлигини ошириш учун техник иситиш тизимидан фойдаланиш лозим. Техник усулда иситиш натижасида таннарх 30-40% га пасаяди. Сабзавотлар истеъмолга ва кўчат учун навбатлаштирилиб экилса кутилган натижага эришиш мумкин, шунингдек ердан унумли фойдаланилади. Бу усулни ҳар бир хўжалик қўллаши лозим. Сабзавот етиштириш самарадорлигини оширишда бу усул фойдалидир. 10.4.3 - Жадвал