Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Фаннинг йўналиши. Аграр тармоқда устувор йўналиш сифатида фаолият кўрсатаётган фермер хўжаликлари мустақил субъект сифатида бошқа мулк ва хўжалик юритувчи шаклларидаги корхона ва ташкилотлар билан тенг ҳуқуқли қишлоқ хўжалик корхонаси сифатида фаолият кўрсатмоқда. Фермер хўжаликларини ривожлантиришда ўз ечимини топмаган кўплаб масалалар мавжуддир. Шу мақсадда фермер хўжаликлари бошлиқларининг маълумоти, мутахассислиги ҳамда тадбиркорлик фаолияти таҳлил қилинганда, уларнинг асосий қисми ўрта маълумотли, турли касб эгалари, тадбиркорлик фаолиятини энди бошлаганлардир. Шу сабабли, фаннинг кўп тармоқли фермер хўжаликларини ривожлантиришдаги аҳамияти, аввало, фермер хўжаликларини ташкил этиш ва унинг иқтисодий, ҳуқуқий ишлаб чиқариш асосларини ўрганиш; ҳукумат томонидан қабул қилинган қонун ва қарорлар; фермер хўжаликларининг ижтимоий-иқтисодиётдаги ўрни ва келгусидаги истиқболлари; фермер хўжалигини ташкил этишнинг ҳуқуқий асослари; ер-сув ресурсларидан; асосий ва айланма фондлардан фойдаланиш; фермер хўжалигини бошқариш ва меҳнат унумдорлигини ошириш; моддий-техника ресурслари; инвестиция ва уни амалиётга жалб этиш; фермер фаолиятида қўшимча тармоқларни ташкил этиш; маҳсулот ишлаб чиқаришнинг самарадорлик кўрсаткичлари, маҳсулот турлари бўйича уни етиштириш агротехникаси; инфратузилма ва сервис хизматлари кўрсатиш; ноқишлоқ тармоқларни ташкил этиш орқали даромадини ошириш; илғор иннавацион технологиялардан самарали фойдаланиш йўлларини ўргатишдан иборатдир.
Фаннинг бошқа фанлар билан ўзаро алоқадорлиги. “Кўп тармоқли фермер хўжалигини ташкил этиш ва бошқариш”фанини ўрганиша кўпгина фанлар иштирок этишини кўриш мумкин. Масалан II Боб.1.”Мулкий муносабатлар ҳамда уни тартибга солишнинг ҳуқуқий асослари” саволини ёритишда “Қилоқ хўжалик ҳуқуқи”, “Фермер хўжалиги иқтисодиёти”, “Деҳқончилик”, “Кичик бизнес ва тадбиркорлик” фанларидан фойдаланишдан ташқари “Ўзбекистор Республикаси Конститутцияси, “Мулкчилик тўғрисида”ги, “Тадбиркорлик тўғрисида”ги, “Фермер хўжалиги тўғрисида”ги қонунлар ва Президентнинг "Ўзбекистон иқтисодий ислоҳотларни чуқурлаштириш йўлида" асаридан фойдаланилган ҳолатда фойдаланилган. Шундан кўриниб турибдики, фаннинг ҳар бир жараёнини ўрганишда турли табиий фанлар, техник-технологик фанлар, ижтимоий-иқтисодий фанлардан кенг миқёсда фойдаланилади.