Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Кўп тармоқли фермер хўжаликларини истиқболи. Кўп тармоқли фермер хўжаликларини ривожлантиришни рағбатлантириш масаласи Ўзбекистон Республикаси Президентининг 2012 йил 22 октябрдаги ПФ- 4478-сонли Фармонига мувофиқ амалга оширилди (фармон ўз кучини йўқотган). Биргина 2013 йилда кўп тармоқли фермер хўжаликларини ташкил этиш бўйича қабул қилинган худудий дастурларга асосан 18 мингдан ортиқ (27%) фермер хўжаликлари кўп тармоқли фермер хўжалиги сифатида фаолиятини амалга оширди. Фермер, деҳқон ва томорқа ер эгаларининг фаолиятини мувофиқлаштириш бўйичаЎзбекистон Республикаси Президентининг 2017 йил 9 октябрдаги "Фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш, қишлоқ хўжалиги экин майдонларидан самарали фойдаланиш тизимини тубдан такомиллаштириш чора-тадбирлари тўғрисида"ги фармонида кўп тармоқли фермер хўжаликларини истиқболдаривожлантириш йўллари кўрсатиб берилган.2017 йилга келиб фермер хўжаликлари сони 160 мингдан ортиқни ёки 75 мингтаси кўп тармоқли фермер хўжаликларидир.

1.3.“Кўп тармоқли фермер хўжалигини ташкил этиш ва бошқариш” фанининг ўрганиш усуллари. Фаннинг бошқа фанлар билан ўзаро алоқадорлиги

“Кўп тармоқли фермер хўжалигини ташкил этиш ва бошқариш”иқтисодий фан бўлиб, қишлоқ хўжалиги корхоналарини ташкил этиш, унинг фаолиятини бошқариш, маҳсулот етиштиришни кўпайтириш, асосий тармоқ билан бирга қўшимча ва ёрдамчи тармоқларни қўшиб олиб бориш, корхонанинг ижтимоий-иқтисодий фаолиятини баҳолашда қўлланиладигантаҳлиллар қуйидаги усуллар орқали ифодаланади. Ушбу усуллар ёрдамида ишлаб чиқаришда рўй берадиган ҳодисаларни ва иқтисодий ўзгаришларнитаҳлил қилишда турли усуллар орқали ўрганиб олинади. Усул (метод) – фанни ўрганишда фойдаланиладиган йўллар йиғиндисидир. Фермер хўжалиги фаолиятини ўрганишда қуйидаги усуллардан фойдаланилади.
1. Статистик гуруҳлаш усули - ер фондидан рационал фойдаланиш, маҳсулот таннархи, меҳнат ресурслари, меҳнат унумдорлигининг ўсиши, техникалардан рациоал фойдаланиш ва бошқа кўрсаткичларни ўрганади. Бу усул ёрдамида кўрсаткичларнинг таркиби, бир-бирига боғлиқлиги, кўп йиллик ўсиш даражаси, фермер хўжалигини янада ривожлантириш истиқболлари аниқланади.