Мундарижа банк иши

3. Тадқиқот методологияси. 
Банк депозит сиёсати шаклланишининг илмий-назарий асосларини тадқиқ этишда 
адабиётларнинг тизимли таҳлили амалга оширилди. Шунингдек, мазкур йўналишда 
хорижий ва маҳаллий олимлар томонидан бажарилган илмий тадқиқот ишларининг 
илмий хулосалари ўрганилди ва мустақил ёндашувлар шакллантирилди. 
 
4. Таҳлил ва натижалар муҳокамаси. 
Банкларнинг жорий ҳолатини ўрганиш ва таҳлил қилиш асосида депозит 
операцияларини амалга ошириш тижорат банкининг депозит сиёсатини шакллантириш 
заруратини туғдиради. Банк депозит сиёсатини шакллантириш бир қатор жараёнларни 
ўз ичига қамраб олади. Жумладан: 
банк ходимларининг лавозимларига тўғри тайинланиши ва ваколатларини 
тақсимлаш; 
мақсадларни ва вазифаларни аниқ белгилаш; 
депозит операциялари жараёнида назорат ва бошқарувни ташкил этиш; 
маблағларни жалб қилиш учун зарурий тартибларни ишлаб чиқиш. 

---

38 www.journal.bfa.uz 
Банк депозит сиёсатининг шаклланишидаги ҳар бир жараён бир-бири билан 
чамбарчас боғлиқ бўлиб, мукаммал депозит сиёсатини ишлаб чиқиш ва банк депозит 
операцияларини самарали ташкил этиш учун зарур ҳисобланади. Шу муносабат билан, 
тижорат банклари депозит сиёсатининг асосий йўналишлари сифатида қуйидагиларни 
келтиришимиз мумкин: 
- депозит хавфини камайтириш учун мақсадли бозорларни аниқлаш; 
- доимий равишда депозитлар бозорини таҳлил қилиш; 
- банк ликвидлигини таъминлаш ва унинг барқарорлигини ошириш; 
- депозит ва кредит портфелини бошқаришни оптималлаштириш; 
- маблағларни жалб қилиш жараёнида харажатларни камайтириш. 
Шунингдек, ҳар бир тижорат банки ўзининг самарали ва мукаммал депозит 
сиёсатини ишлаб чиқиши ва амалга оширишининг асосий мақсади банк харажатларини 
минималлаштириш ва барча хатарларни ҳисобга олган ҳолда зарур ликвидлилик 
даражасини сақлаб туришда банк ресурс базасини кўпайтириш ҳисобланади. Шу 
нуқтаи назардан, банк депозит сиёсатини шакллантиришни умумий ва муайян 
тамойилларга асосланган ҳолда ўрганишни мақсадга мувофиқ деб ҳисоблаймиз (1-
расм).