Мундарижа банк иши

3. 
Тадқиқот методологияси. 
Тадқиқотнинг асосий мақсади тижорат банклари молиявий барқарорлигини 
таъминлашнинг амалиёти таҳлили натижалари асосида илмий-амалий таклиф ва 
тавсиялар ишлаб чиқиш учун илмий хулосалар қилишдан иборат. Ушбу мақоланинг 
назарий ва услубий асоси сифатида умумиқтисодий адабиёт ҳамда илмий мақолалар, 
иқтисодчи олимларнинг тижорат банкларида молиявий барқарорлигини таъминлаш 
бўйича изланишлари, олимлар ва соҳа вакиллари билан суҳбат, уларнинг ёзма ва 
оғзаки фикр-мулоҳазаларини таҳлил қилиш, эксперт баҳолаш, жараёнларни кузатиш, 
иқтисодий ҳодиса ва жараёнларга тизимли ёндашув асосида хулоса, таклиф ва 
тавсиялар берилган. Мавзуни ўрганиш жараёнида Wells Fargo банки молиявий 
маълумотларини тизимлаш бўйича махсус ёндашувлар, яъни таққослаш, назарий ва 
амалий материалларни жамлаш ҳамда тизимли таҳлил каби усуллар қўлланилган. 
4. Таҳлил ва натижалар муҳокамаси. 
Таҳлилимизда, АҚШнинг энг йирик банкларидан бири бўлган Wells Fargo банки 
молиявий барқарорлигини таъминлаш амалиётини ўрганиб тегишли хулосаларни 
шакллантирамиз. 
Wells Fargo банки 1852 йилда ташкил этилган, қароргоҳи Сан-Францискода 
жойлашган, 1,9 трлн. АҚШ доллари активига эга ҳамда банк, инвестиция ва ипотека 
билан боғлиқ барча хизматларни тақдим этувчи йирик молия-кредит муассасаси 
ҳисобланади.
Шунингдек, банкнинг 37 та давлатларда ўз филиалига эга, 259 мингдан ортиқ 
банк ходимларига ва 2018 йил 31 декабр ҳолатига АҚШда банк активлари йириклиги 
бўйича тўртинчи ўринда, банк оддий акциялари ичида бозор баҳоси бўйича учинчи 
ўринни эгаллаган.
1
1
Wells Fargo & Company. Annual report 2018. - 42 p. 

---

12 www.journal.bfa.uz 
Тижорат банклари молиявий барқарорилигини таъминлашни таҳлил этишни энг 
аввало, биз АҚШнинг Wells Fargo банки активлари ва пассивлари таркибини сўнгги беш 
йил даврида ўзгариш динамикасини таҳлил этишдан бошлаймиз.