Mundareja kirish 2 i-bob Pul muomalasi va uning amal qilish qonuniyatlari 4

MUNDAREJA

KIRISH 2
I-Bob Pul muomalasi va uning amal qilish qonuniyatlari 4
1.1 Pul muomalasi va uning amal qilish qonuniyatlari. Pulga bo’lgan talab va pul taklifi 4
1.2 O‘zbekiston pul-kredit siyosatining makroiqtisodiy barqarorlik va rivojlanishni ta’minlashdagi ahamiyati 9
II- BOB O‘zbekiston Respublikasida pul-kredit siyosati 21
2.2 O‘zbekiston Respublikasida pul-kredit siyosati instrumentlari orqali amalga oshirilgan operatsiyalar tahlili 21
Markaziy bank: Monetar siyosatning 2019−2021 yillar davriga mo‘ljallangan asosiy yo‘nalishlari tasdiqlandi 21
2.2 O‘zbekiston Respublikasi pul-kredit siyosatini takomillashtirish yo‘llari 32
Xulosa 36
FOYDALANILGAN ADABIYOTLAR RO‘YXATI 38

KIRISH

Bugungi kunda Markaziy bank tomonidan amalga oshiriladigan faol pul-kredit siyosati muhim ahamiyat kasb etmoqda. Buning sababi shundaki, birinchidan, pul-kredit siyosati mamlakat moliya bozoridagi operatsiyalar barqarorligiga va uning innovatsion rivojlanishishiga, pirovardida makroiqtisodiy o‘sish barqarorligiga bevosita ta’sir ko‘rsatadi; ikkinchidan, pul-kredit siyosati global inqiroz ta’sirida likvidliligini yo‘qotib qo‘ygan banklarning joriy likvidliligi va to‘lovga qobilligini tiklash imkonini beradi; uchinchidan, Markaziy bank pul-kredit siyosati orqali inflyatsiya darajasiga bevosita ta’sir ko‘rsatadi. Mamlakatimiz moliya bozorini barqaror rivojlanishini ta’minlashda Markaziy bank pul-kredit siyosatining samaradorligini oshirish borasida ayrim muammolarning mavjudligi ko‘zga tashlanmoqda.
Shundan kelib chiqib, O‘zbekiston Respublikasi Prezidentining “Valyuta bozorini liberallashtirish bo‘yicha birinchi navbatdagi chora-tadbirlar to‘g‘risida”gi Farmoni e’lon qilinishidan ko‘p o‘tmay O‘zbekiston Respublikasi Prezidentining “Pul-kredit siyosatini yanada rivojlantirish chora-tadbirlari to‘g‘risida”gi Qarori qabul qilindi va Pul-kredit siyosatini 2017-2021 yillarda rivojlantirish va inflyatsion targetlash rejimiga bosqichma-bosqich o‘tish bo‘yicha chora-tadbirlar Kompleksi tasdiqlandi.¹
Inflyatsion targetlash rejimiga o’tish jarayonida samarali pul-kredit siyosatini amalga oshirish, o’z navbatida, pul-kredit siyosati instrumentlari ta’sirchanligini oshirish muhim ahamiyatga ega.
2018 yilning yanvar-oktyabr oylarida Markaziy bank tomonidan pul-kredit siyosatining zamonaviy instrumentlarini joriy etish, takomillashtirish va ularning ta’sir mexanizmini mustahkamlash bo’yicha qator ishlar amalga oshirildi.
2018 yil boshidan bank tizimi likvidliligini kunlik monitoring qilish amaliyoti yo’lga qo’yildi. Pul-kredit ko’rsatkichlarining (pul massasi, rezerv pullar, kreditlar va h.k.) kunlik o’zgarishlari va ularga ta’sir etuvchi omillarni tahlil qilish ishlari takomillashtirildi.
Mamlakatimizda amalga oshirilayotgan monetar siyosat barqaror iqtisodiy o‘sishni ta’minlashga va moliya bozorlarini jadal sur’atlarda rivojlanishiga ijobiy ta’sirini ham o‘tkazmoqda. Mamlakatimizda amalga oshirilayotgan byudjet, soliq, pul-kredit siyosatlari ustun darajada milliy valyutamiz - so‘mning xarid qobiliyatini barqarorlashtirishga, inflyatsiya sur’atini mo’tadil 7-9 foiz miqdorida ushlab turishga va pulga bo‘lgan talabni qondirishga qaratilgan. Bir tomondan, davlat moliya bozorlaridan o‘zining monetar siyosatini amalga oshirishda unumli foydalansa, ikkinchi tomondan, ushbu amaliyot samarali tashkil etilishi uchun moliya bozorlari barqaror rivojlanishiga yo‘l ochib beradi.