Muhammad al-xorazmiy nomidagi toshkent axborot texnologiyalariuniversiteti

Mobil stansiyaning raqami (MSISDN) PSTN taarmog‘ining raqamlar rejasida mobil abonentni band qilinishini noyob aniqlaydi. Bu raqam mobil aloqa tarmog‘ining abonentiga kirish bog‘lanishi o‘rnatilishida teriladi va SIM-kartada bo‘lmaydi, balki HLRda IMSISIM-karta bilan taqqoslangan va abonentga tayinlangan telefon raqamini uzatish uchun va telefonga qo‘ng‘iroqlarni qabul qilish uchun mo‘ljallangan [6].
Asosiy MS ISDN raqam ko‘plab xizmatlarni taqdim etishda abonentni identifikatsiyalash uchun ishlatiladi va SIM-karta almashtirilmasdan o‘zgartirilishi mumkin. Shuningdek, SIM-kartada faksimil aloqa bilan ishlash va ma'lumotlarni uzatish uchun bir necha qo‘shimcha MS ISDN raqamlarni taqqoslash mumkin. MS ISDN raqam HLR va VLRda saqlanadigan uzoq muddatli ma'lumotlar tarkibiga kiradi [6]. MS ISDN raqamning tuzilmasi 2.4- rasmda keltirilgan.

2.4- rasm. MS ISDN identifikatori

• 
  CC (Country Code) - davlat kodi;
  
• 
  NDC (National Destination Code) - olish punktining milliy kodi;
  
• 
  SN (SubscriberNumber) -abonent raqami.
  

MSISDN raqami IMSI raqami kabi 15 tagacha raqamlarga yetishi mumkin va E.164ga muvofiq uchta qismlardan tashkil topgan. Bunda tashkil etuvchi qismlarning aniq bir uzunliklari xalqaro va mahalliy qonunchilik bilan muvofiqlashtiriladi, masalan:

• 
  Rossiya: CC=1 ta raqam (7) (hisobga olish kerakki, bu diapazondan Qozog‘iston ajratilgan, unda CC=2 ta raqamlar (77)), NDC=3 ta raqamlar (masalan, 903), SN=7 ta raqamlar (1234567), jami - 11 ta raqamlar (yakuniy misol: 7-903-1234567).
  
• 
  Ukraina: CC=3 ta raqamlar (380), NDC=2 ta raqamlar (masalan, 50), SN=7 ta raqamlar (1234567), jami - 12 ta raqamlar (yakuniy misol: 380-50- 1234567).
  
• 
  Belorusiya: CC=3 ta raqamlar (375), NDC=2 ta raqamlar (masalan, 29), SN=7 ta raqamlar (1234567), jami - 12 ta raqamlar (yakuniy misol: 375-29- 1234567).
  
• 
  O‘zbekiston: CC=3 ta raqamlar (998), NDC=2 ta raqamlar (masalan, 90), SN=7 ta raqamlar (1234567), jami - 12 ta raqamlar (yakuniy misol: 998-90- 1234567).
  

Har bir PLMN tarmoq uchun o‘z NDC raqami mavjud. Masalan, Irlandiyada NDC raqami 086 va 087 bo‘lishi mumkin, bu ikkita PLMN operatorlarning mavjudligini ko‘rsatadi. Rossiyada har bir PLMN uchun bir necha NDC raqamlar aniqlangan. MS ISDN internasional raqam o‘zgaruvchan uzunlikda bo‘lishi mumkin. O‘zbekistonda bitta NDC - 998 mavjud.