Муаллифларнинг картография фанининг истиқболига тегишли фикр-мулоҳаза, истак ва тавсиялари ўз ифодасини топган. Рисола уч қисмдан иборат

Картанинг градусли (даражали) рамкаси - маълум градусли 
сонлар орқали ўтказилган меридианлар ва паралелларнинг чиқиши 
кўрсатилган карта рамкаси. 
Картанинг компановкаси - компановка лотинча сўз 
“componere”дан олинган бўлиб, “тузмоқ” (алоҳида қисмлардан 
мувофиқлаштирилган, бутун) деган маънони англатади. Картада 
тасвирланадиган ҳудуднинг чегарасини аниқлаш ва уни карта 
рамкаларига нисбатан жойлаштириш, рамканинг ичида ва ундан 
ташқарида картанинг номини, масштабини, легендасини, ҳар хил 

---

32 
қўшимча кесма карталарни ва бошқа шунга ўхшаш маълумотларни 
мақсадга мувофиқ жойлаштириш. 
Картанинг легендаси - карта мазмунини очиб берадиган 
барча шартли белгилар ва изоҳлар тизими. 
Картанинг математик асоси - картанинг математик 
элементлари мажмуи (картографик проекция ва у билан боғлиқ 
координата тўри, масштаб, геодезик асос, компановка, разграфика 
ва наменклатура). 
Картанинг нашр қилиш - картани полиграфик ёки бошқа 
кўпайтирадиган воситалар билан худди ўзидай (аслидай) қайта 
(такрор) ишлаб чиқариш ва кўпайтириш. 
Картанинг қўшимча элементлари - карта мазмуни билан 
боғланган, уни тўлатадиган, бойитадиган ва тушунтирадиган 
кесма-карталар, диаграммалар, блок-диаграммалар, графиклар, 
профиллар, матнли ёки рақамли маълумотлар. 
Картанинг минутли рамкаси - маълум минутли сонлар 
орқали ўтказилган меридианлар ва паралелларнинг чиқиши 
кўрсатилган карта рамкаси. 
Картанинг ташқи рамкаси - картанинг бошқа барча 
рамкаларини чегаралайдиган, безаги учун хизмат қиладиган рамка. 
Карташунослик - картографик фан бўлиб, у картографик 
асарларнинг моҳиятини, элементларини, турларини, уларда 
фойдаланилган усулларни ва картографиянинг тарихини ўрганади.