Монография / (ТИҚхмми илмий Кенгаши томонидан чоп этишга тавсия қилинган) Тошкент-2019

Тажриба далалари тупроғининг механик таркиби. Тупроқ механик таркибининг тузилиши унинг сув-физик хусусиятларини муҳим омили ҳисобланади. Тупроқнинг механик таркиби-тупроқнинг сув ўтказувчанлиги, намлик сиғими, намликнинг капилляр кўтарилиши ва тупроқнинг ҳажм оғирлигига боғлиқ.
Тажриба далалари тупроғининг механик таркибини аниқлаш бўйича ўтказилган дала ва лаборатория тахлилларнинг натижалари 4.1.4-жадвалда келтирилган. Тажриба далалари тупроғининг механик таркиби Н.А.Качинский тавсифи бўйича аниқланди.
4.1.4-жадвал Тажриба далалари тупроғининг механик таркиби

Тажрибалар	Қатлам см	Фракция катталиклари, мм бўйича миқдори, %									Механик таркиб, Н.А.Качинский бўйича
		> 0,25	0,25 -0,10	0,10- 0,05	0,05- 0,01	0,01- 0,005	0,005- 0,001	<0,001	0,01- 0,001
“Бобо-Омониёз” фермер хўжалиги, 2011
1	0-26	4,35	20,92	23,45	24,32	8,11	8,71	10,14	26,96	енгил қумоқ
	26-54	1,87	20,14	12,62	37,19	8,22	9,65	10,31	28,18	енгил қумоқ
	54-82	1,83	14,18	12,47	35,88	12,53	12,24	10,87	35,64	ўрта қумоқ
	82-108	1,76	17,02	15,06	50,95	4,02	6,11	5,08	15,21	қумлоқ
	108-163	0,99	11,09	24,02	25,04	13,06	12,76	13,04	38,86	ўрта қумоқ
	163-180	2,79	24,69	34,92	29,51	3,76	3,21	1,12	8,09	қум
“Бобо-Омониёз” фермер хўжалиги, 2011
2	0-49	1,66	2,03	23,55	38,01	11,04	13,72	9,99	34,75	ўрта қумоқ
	49-68	4,02	10,82	22,35	32,12	11,72	9,64	9,33	30,69	ўрта қумоқ
	68-95	4,61	10,09	22,61	37,44	8,07	9,41	7,77	25,25	енгил қумоқ
	95-162	4,67	14,33	27,12	35,28	5,44	7,07	6,09	18,6	қумлоқ
	162-175	7,88	16,45	31,34	35,09	5,31	2,92	1,01	9,24	қум
“Абдулла” фермер хўжалиги, 2011
	0-55	3,13	4,84	17,02	29,1	11,42	13,69	20,8	45,91	оғир қумок
	55-85	3,98	7,43	25,44	29,02	10,33	7,78	16,02	34,13	ўртача қумоқ
	85-112	10,73	15,26	21,35	27,95	6,77	8,12	9,82	24,71	енгил қумоқ
	112-154	6,03	7,03	26,01	24,55	13,12	9,97	13,29	36,38	ўрта қумоқ
	154-170	4,12	7,44	17,21	29,99	11,01	15,42	14,81	41,24	ўрта қумоқ
	170-190	10,11	25,55	32,88	23,02	3,76	2,51	2,17	8,44	қум

Тадқиқотлар бошланиш даврида ғўза тажриба даласида тупроқ унумдорлигини баҳолаш бўйича ундан намуналар олиниб, лабораторияда агрокимёвий таҳлилдан ўтказилди (4.1.5, 4.1.6, 4.1.7- жадвал).

4.1.5-жадвал 1-тажриба даланинг дастлабки агрокимёвий кўрсаткичлари

Қатлам қалинлиги, см	Чиринди, %	Умумий форма, %		ҳаракатчан форма, мг/кг
		aзот	фосфор	азот	фосфор	калий
0-26	1,35	0,091	0,229	21,1	36,8	155,0
26-54	1,22	0,087	0,225	19,8	35,2	151,2
54-82	1,01	0,075	0,221	14,9	33,0	143,9
82-108	0,98	0,061	0,208	10,3	28,9	138,2

Юқоридаги 4.1.5-жадвал(енгил тупроқ)даги маълумотлардан келиб чиққан ҳолда тажриба даласи тупроғининг ҳайдалма қатлами (0-26 см.)да чиринди миқдори 1,35 %, умумий азот 0,091 % ва ялпи фосфор 0,229 фоизни, шунингдек ҳаракатчан турдаги азот 21,1 мг/кг, фосфор 36,8 мг/кг ва калий миқдори 155,0 мг/кг ни ташкил этди. Бу тупроқлар азот билан таъминланганлиги бўйича етарли эмас, фосфор бўйича ўртача, калий билан эса етарли эмас тоифаларга мансуб бўлиб, ғўзадан юқори ва сифатли пахта ҳосили етиштириш учун кўпроқ азот билан калий ўғитлари қўллашни талаб этади.

4.1.6-жадвал 2-тажриба даланинг дастлабки агрокимёвий кўрсаткичлари

Қатлам қалинлиги, см	Чиринди, %	Умумий форма, %		ҳаракатчан форма, мг/кг
		aзот	фосфор	азот	Фосфор	калий
0-49	1,23	0,094	0,221	20,8	33,5	141,6
49-68	1,12	0,089	0,205	20,8	34,2	133,7
68-95	0,89	0,073	0,172	19,5	22,5	128,3
95-162	0,46	0,051	0,145	17,9	13,9	111,1

4.1.6-жадвал(ўрта тупроқ)даги маълумотлардан келиб чиққан ҳолда тажриба даласи тупроғининг ҳайдалма қатлами(0-49 см.)да чиринди миқдори 1,23 %, умумий азот 0,094 % ва ялпи фосфор 0,221 фоизни, шунингдек ҳаракатчан турдаги азот 20,8 мг/кг, фосфор 33,5 мг/кг ва калий миқдори 141,6 мг/кг ни ташкил этди. Бу тупроқлар

азот билан таъминланганлиги бўйича етарли эмас, фосфор бўйича ўртача, калий билан эса етарли эмас тоифаларга мансуб бўлиб, ғўзадан юқори ва сифатли пахта ҳосили етиштириш учун кўпроқ азот билан калий ўғитлари қўллашни талаб этади.
4.1.7-жадвал(оғир тупроқ)даги маълумотлардан келиб чиққан ҳолда тажриба даласи тупроғининг ҳайдалма қатлами(0-55 см.)да чиринди миқдори 1,19 %, умумий азот 0,108 % ва ялпи фосфор 0,263 фоизни, шунингдек ҳаракатчан турдаги азот 19,9 мг/кг, фосфор 34,8 мг/кг ва калий миқдори 135,2 мг/кг ни ташкил этди. Бу тупроқлар азот билан таъминланганлиги бўйича етарли эмас, фосфор бўйича ўртача, калий билан эса етарли эмас тоифаларга мансуб бўлиб, ғўзадан юқори ва сифатли пахта ҳосили етиштириш учун кўпроқ азот билан калий ўғитлари қўллашни талаб этади.
4.1.7-жадвал 3-тажриба даласининг дастлабки агрокимёвий кўрсаткичлари

Қатлам қалинлиги, см	Чиринди, %	Умумий форма, %		ҳаракатчан форма, мг/кг
		aзот	фосфор	азот	фосфор	калий
0-55	1,19	0,108	0,263	19,9	34,8	135,2
55-85	0,95	0,082	0,239	18,6	33,5	132,9
85-112	0,65	0,063	0,213	14,7	28,5	121,1

Юқорида келтирилган маълумотларга кўра, хар хил даражада шўрланган ўтлоқи-аллювиал тупроқнинг сув-физик хусусиятларини яхшилаш билан бирга, уни озиқ элементларига бойитиш чора- тадбирларини кўришни тақоза қилади.

2. Тажриба далалари тупроғининг сув-физик хоссалари

Тупроқнинг зичлиги ҳажмий ва солиштирма массаси, умумий ғоваклиги, сув ўтказувчанлиги, нам сиғими катта агрономик аҳамиятга эга. Чунки бу кўрсаткичлар тупроқни ҳаво, иссиқлик, озуқа, сув тартиби ва микроорганизмлар фаолиятини ҳамда ўсимликларнинг ўсиши ва ривожланишини белгилайди. Шунингдек улар экинларни суғориш тартибини белгилайдиган асосий
омиллардан бири ҳисобланади. Тупроқнинг сув-физик хоссалари унинг тури, механик таркиби, тузилиши, органик ва минерал моддаларнинг миқдори, структураси, маданийлашганлиги ва ерга ишлов бериш даражаларига боғлиқ ҳолда турлича бўлади. Ўтлоқи- аллювиал тупроқлар табиий қулай сув-физик хусусиятларга эга бўлган тупроқлар ҳисобланади.
Тупроқ зичлигининг сув-физикавий ва биологик хоссаларига, шунингдек ғўза ва ғўза мажмуига кирадиган ўсимликларнинг ўсиши, ривожланиши, ҳосил тўплашига таъсирини ўрганиш бўйича Авлиёқулов А.Э., Беспалов Н.Ф., Мирзажонов Қ.М., Рамазонов О., Рахимбоев Ф.М., Хамидов М.Х., Хасанов М., Исаев С.Х.лар кўп омилли тадқиқотлар асосида ўтлоқи-аллювиал тупроқлар шароитида, бўз тупроқлар минтақаси, саҳро минтақаси ҳамда янги ўзлаштирилган ерлар учун 1,1-1,3 г/см³ бўлишини ва учала минтақа учун зичликнинг критик бирлиги ўртача 1,53 г/см³ га тенглигини аниқлашган.
Хоразм вилояти бўйича олиб борилган тажриба далалари тупроғининг ҳажм оғирлигини аниқлаш натижалари 4.2.1-жадвалда келтирилган.
Биринчи тажрибамизда вегетация бошида тупроқнинг хажм оғирлиги ўртача уч йилда 0-50 см қатламда 1,30 г/см³, 0-70 см қатламда 1,32 г/см³ ва 0-100 см қатламда 1,32 г/см³ ни ташкил этди. Ғўзани парваришлаш мақсадида ўтказилган агротехник тадбирлар: далани экишга тайёрлаш, экиш, культивация қилиш, суғориш учун эгат олиш, вегетация давридаги суғоришлар, ўғит бериш ва кимёвий ҳимоя таъсирида тажриба даласининг тупроғини хажмий оғирлиги барча вариантларда ошди. 0-100 см қатламда энг катта тупроқнинг зичлашиши назорат вариантида - 0,04 г/см³, энг кичик зичлашиш 3 ва 4 вариантда - 0,02 г/см³ кузатилди.
Иккинчи тажрибамизда вегетация бошида тупроқнинг хажм оғирлиги ўртача уч йилда 0-50 см қатламда 1,37 г/см³, 0-70 см қатламда 1,38 г/см³ ва 0-100 см қатламда 1,35 г/см³ ни ташкил этди.
4.2.1-жадвал Ғўзани суғориш тартибларини тупроқнинг ҳажм массасига таъсири,
г/см³

Тажрибалар	Қатлам, см	Вегетация бошида	Вегетация охирида, вариантлар бўйича
			1	2	3	4
2011-2013 йй.
1	0-30	1,30	1,34	1,33	1,32	1,32
	30-50	1,32	1,35	1,34	1,33	1,34
	50-100	1,33	1,37	1,36	1,35	1,35
	0-50	1,30	1,34	1,34	1,32	1,33
	0-70	1,32	1,36	1,35	1,34	1,35
	0-100	1,32	1,36	1,35	1,34	1,34
2	0-30	1,34	1,38	1,37	1,36	1,36
	30-50	1,41	1,44	1,44	1,42	1,43
	50-100	1,34	1,37	1,36	1,36	1,36
	0-50	1,37	1,41	1,40	1,38	1,39
	0-70	1,38	1,41	1,41	1,39	1,40
	0-100	1,35	1,39	1,38	1,37	1,38
3	0-30	1,43	1,46	1,45	1,44	1,44
	30-50	1,44	1,48	1,46	1,45	1,46
	50-100	1,39	1,42	1,41	1,40	1,40
	0-50	1,43	1,47	1,46	1,45	1,45
	0-70	1,43	1,46	1,45	1,44	1,44
	0-100	1,41	1,44	1,43	1,42	1,43

Ғўзани вегетация давомида парвариш қилишда ўтказилган агротехник тадбирлар натижасида тажриба даласининг тупроғини хажмий оғирлиги барча вариантларда ошди. 0-100 см қатламда энг катта тупроқнинг зичлашиши назорат вариантида: - 0,04 г/см³, энг кичик зичлашиш 3 вариантда - 0,02 г/см³ бўлганлиги кузатилди.

Учунчи тажрибамизнинг вегетация бошида тупроқнинг хажм оғирлиги ўртача уч йилда 0-50 см қатламда 1,43 г/см³, 0-70 см қатламда 1,43 г/см³ ва 0-100 см қатламда 1,41 г/см³ ни ташкил этди.
Ғўзани ўсув даврида парвариш қилишда орқали бажарилган агротехник тадбирлар натижасида тажриба даласининг тупроғини хажмий оғирлиги барча вариантларда ошди. 0-100 см қатламда энг катта тупроқнинг зичлашиши назорат вариантида: - 0,03 г/см³, энг кичик зичлашиш 3 вариантда - 0,01 г/см³ бўлганлиги кузатилди.
Тадқиқот натижалари шуни кўрсатадики, тупроқнинг ҳайдов қатламида тупроқнинг ҳажм массасининг ошганлиги кузатилди. Тупроқ ҳажм оғирлигининг ошишига сабаб, юқорида таъкидлаб ўтилганидаек дала шароитида бажариладиган агротехник тадбирлар ҳисобланади, бу боғлиқлик барча тажриба ва вариантларда кузатилди.
Кўп йиллик олиб борилган илмий тадқиқотлар шуни таъкидлайдики, беда ва бошқа кўп йиллик ўсимликлар тупроқнинг ҳажм оғирлигини сезирарли даражада камайтиради, чунки бу экинлар тупроқда жуда кўп миқдордаги илдиз қолдиқлари тўпланиб қолишига сабаб бўлади. Уларнинг тупроқдаги тўпланиши органик моддалар миқдори ва тупроқнинг сув-физик хусусиятларини яхшилашга ёрдам беради. Ғўза билан олиб борилган тажриба далаларида бу унчалик сезирарли даражада бўлмасада оз миқдорда ошганлиги кузатилди. Тажрибалар бўйича энг яхши 3-вариант бўлиб, суғориш олди тупроқ намлиги ЧДНСга нисбатан 70-80-60 фоизда ушлаб турилган исботланди.