Moliyaviy va boshqaruv tahlili pv doc

Korxonaning boshqa operatsion xarajatlariga quyidagilar kiradi: kadrlar tayyorlash va ularni qayta tayyorlash xarajatlari, loyiha va qurilish-montaj ishlarida kamchilikni bartaraf etish xarajatlari, maslahat va axborot tizimlariga haq to‘lash, auditorlik xizmatlari uchun to‘lovlar, salomatlikni muhofaza qilish va xodimlarni ishlab chiqarish jarayonida bevosita qatnashuvi bilan bog‘liq bo‘lmagan dam olishlarni tashkil etish tadbirlari xarajatlari, shahar obodonchilik ishlari va qishloq xo‘jaligiga yordam berish bilan bog‘liq xarajatlar, kompensatsiya va rag‘batlantirish tusidagi to‘lovlar ish haqini hisoblashda e’tiborga olinmaydigan to‘lovlar va xarajatlar, ya’ni moddiy yordam, sog‘liqni saqlash obyektlari, qariyalar va nogironlar uylari, bolalar maktabgacha tarbiya muassasalari, sog‘lomlashtirish lagerlari, madaniyat va sport obyektlarini asrash xarajatlari, vaqtincha to‘xtatib qo‘yilgan ishlab chiqarish quvvatlari va obyektlarini saqlash xarajatlari, bank xizmati uchun to‘lovlar, har xil xayriya jamg‘armalari, ekologiya, sog‘lomlashtirish, madaniyat, xalq ta’limi, ijtimoiy ta’minot va shu kabi tashkilotlarga badallar, budjetga majburiy to‘lovlar, soliqlar va yig‘imlar hamda budjetdan tashqari jamg‘armalarga ajratmalar, zararlar, jarimalar, penyalar va boshqa xarajatlardan iborat.
Asosiy ishlab chiqarish faoliyatidan olingan boshqa daromadlarga quyidagilar kiradi:

• 
  undirilgan yoki qarzdor tomonidan e’tirof qilingan jarimalar va penyalar;
  
• 
  hisobot yilida aniqlangan o‘tgan yilga tegishli foyda;
  
• 
  yordamchi xizmat ko‘rsatuvchi tarmoqlardan olingan tushumlar;
  
• 
  asosiy vositalar, nomoddiy aktivlar va boshqa mol-mulklarni sotishdan olingan daromadlar;
  
• 
  da’vo bildirish muddati o‘tgan kreditorlik va deponent qarzlarni hisobdan chiqarishdan olingan daromadlar;
  
• 
  tovar-moddiy boyliklarni qayta baholanishdan ko‘rilgan natijalar;
  
• 
  davlat subsidiyalaridan daromadlar;
  
• 
  xolisona moliyaviy yordam;
  
• 
  boshqa operatsion daromadlar.