Moliyaviy natijalar hisobi ma’ruza rejasi

MOLIYaVIY NATIJALAR HISOBI

Ma’ruza rejasi

1.Korxona daromadlarining hisobi
2.Korxona xarajatlarining hisobi
3.Oxirgi moliyaviy natijalar ko‘rsatkichlari va ularning hisobi
4.Hisobot davr foydasini ishlatilishi va korxona sof foydasini taqsimlanishining hisobi

1.Korxona daromadlarining hisobi

Korxonalar moliyaviy-xo‘jalik faoliyatining muhim ko‘rsatkichi bo‘lib daromadlar hisoblanadi. Ushbu ko‘rsatkichning mohiyati, tasnifi va tavsifi respublikamizda qabul qilingan quyidagi me’ѐriy hujjatlarda atroflicha ochib berilgan:

• 
  O‘zbekiston Respublikasi Soliq Kodeksi (16-modda);
  
• 
  BHMS «Moliyaviy hisobotni tuzish va taqdim etish uchun konseptual asos»
  
• 
  2-son BHMS « Asosiy xo‘jalik faoliyatidan olingan daromadlar»
  
• 
  «Mahsulot (ish, xizmat)larni ishlab chiqarish va sotish xarajatlari hamda moliyaviy natijalarni shakllantirish to‘g‘risida Nizom».
  

Ushbu me’ѐriy xujjatlarga muvofiq daromad deganda, umumiy olganda, hisobot davrida korxona aktivlarini qo‘payishi ѐki uning majburiyatlarini kamayishi tushuniladi. Korxonalarning barcha daromadlari O‘zbekiston Respublikasining Soliq Kodeksida 13 ta turga bo‘lingan (16-modda), 2-son BHMSda ushbu turdagi daromadlar ikkita katta guruhga, ya’ni asosiy faoliyatdan olingan daromadlar va asosiy bo‘lmagan faoliyatdan olingan daromadlarga, ajratilgan (1chizmaga qarang).
Asosiy faoliyatdan olingan daromadlar deganda korxona ustavida belgilangan asosiy faoliyatdan olingan daromadlar tushuniladi. «Mahsulot (ish, xizmat)larni ishlab chiqarish va sotish xarajatlari hamda moliyaviy natijalarni shakllantirish to‘g‘risida Nizom» ga muvofiq korxonalarning asosiy faoliyatdan olingan daromadlari, o‘z navbatida, quyidagi ikki guruhga ajratiladi:
Sotishdan olingan daromadlar – bularga mahsulot, tovarlar, ishlar va xizmatlarni sotishdan olingan tushumlar (aksiz, QQS va eksport bo‘yicha bojxona bojidan tashqari) kiradi.

•