Moliyaviy hisobot auditi

MOLIYAVIY HISOBOT AUDITINING MAQSADI VA UNING ASOSIY 
TAMOYILLARI
114 
Buxgalteriya hisobotini foydalanuvchilarga taqdim etish sanasi deganda quyidagi to’rtta 
ehtimoliy sanadan eng avvalgisi tushuniladi: 

buxgalteriya hisobotini muassislik hujjatlariga mos holda muassislarga yuridik 
shaxs qatnashchilariga berish sanasi; 

buxgalteriya hisobotini iqtisodiy sub’ekt ro’yxatdan o’tgan joy bo’yicha hududiy 
statistika idoralariga berish sanasi; 

buxgalteriya hisobotini O’zbekiston Respublikasi qonunchiliklariga mos holda 
boshqa manzillarga berilish sanasi; 

buxgalteriya hisobotini e’lon qilinish sanasi. Buxgalteriya hisobotini iqtisodiy 
sub’ektga taqdim etish sanasi uni taalluqliligi bo’yicha huquqiy berilgan sanasi yoki pochta 
tashkiloti shtempelida belgilangan jo’natish sanasi hisoblanadi. Buxgalteriya hisobotini 
foydalanuvchilarga taqdim etish sanasi buxgalteriya hisobotini tayyorlangan sanadan oldin 
bo’lishi mumkin emas. buxgalteriya hisobotini 
Agar iqtisodiy sub’ektning rahbari buxgalteriya hisoboti tuzilgan sanadan keyin unga 
tuzatish kiritish zarur deb topsa, auditorlik tashkiloti iqtisodiy sub’ekt rahbariyati tomonidan 
bunday tuzatish kiritilishi to’g’riligiga ishonch hosil qilishi kerak bo’ladi. Bunday hollarda 
auditorlik tashkiloti tekshiruvni davom ettirishi va avvalgi tayyorlangan auditorlik xulosasiga 
havolasi bo’lgan (uni asos qilib olinan) yangi auditorlik xulosasini yozishi lozim. 
Agar iqtisodiy sub’ektning rahbari auditorlik tashkiloti talab qilgan va jiddiy xarakterga 
ega bo’lgan tuzatish kiritishni zarur deb topmasa, unda auditorlik tashkiloti: 

iqtisodiy sub’ektga ushbu fakt haqida yozma xabar qilishi; 

iqtisodiy sub’ekt rahbari zimmasiga o’zgartirish kiritmaslik haqidagi qarorning 
hamma oqibatini yuklashi lozim. 
Auditorlik tashkiloti buxgalteriya hisoboti haqidagi auditorlik xulosasini imzolagan 
sanadan keyin yuz bergan holatlarga va iqtisodiy sub’ekt buxgalteriya hisobotini 
foydalanuvchilarga taqdim etgan sanadan keyin yuz bergan holatlarga javobgarlikni zimmasiga 
olmaydi, u audit tugagandan keyingi ana shunday holatlarni aniqlash bo’yicha qandaydir maxsus 
tadqiqotlar va yoki tahlillar o’tkazishga majbur emas. 
Bunday holatlar haqida auditorlik tashkilotiga xabar qilish mas’uliyati iqtisodiy sub’ekt 
rahbari zimmasida bo’ladi. 
Agar auditorga auditorlik hisoboti imzolangan sanadan keyin va buxgalteriya hisobotini 
foydalanuvchilarga taqdim etilgandan keyingi davrda yuz bergan holatlar haqida ma’lum bo’lib 
qolsa, u yuzaga kelgan muammoni iqtisodiy sub’ekt rahbariyati bilan muhokama qilishi kerak 
bo’ladi. 
Agar iqtisodiy sub’ekt rahbariyati xatolar va noaniqliklarni yoki buxgalteriya hisoboti 
taqdim etilgan sanadan keyin aniqlangan hamma jiddiy holatlarni to’g’rilash bo’yicha choralar 
ko’rmasa, auditorlik tashkiloti: 

iqtisodiy sub’ektga ushbu fakt haqida yozma xabar qilishi; 

o’zgartirishlar kiritilmaganlik uchun qaror qabul qilishlik oqibatiga ko’ra barcha 
javobgarlikni iktisodiy ob’ekt rahbariyati zimmasiga yuklashi; 

buxgalteriya hisobotidan foydalanuvchilarni ushbu jiddiy holatlardan xabardor qilish 
haqidagi masalani ko’rib chiqishi lozim. 
Auditorlik tashkilotining buxgalteriya hisoboti tuzilgandan keyin va/yoki buxgalteriya 
hisobotini taqdim etilganlik sanasidan keyin yuz bergan holatlar va faktlarga nisbatan hamma 
harakatlari va auditorlik tashkilotining bunday holatlar va faktlar bo’yicha hamma qarorlari 
auditorning ish hujjatlarida majburiy tarzda aks ettirilishi kerak.