Moliyaviy hisobot auditi

MOLIYAVIY HISOBOT AUDITINING MAQSADI VA UNING ASOSIY 
TAMOYILLARI
116 
Auditorlik tashkiloti va maxsus auditorlik topshirig’i buyurtmachisining huquqlari, 
majburiyatlari va javobgarliklari amaldagi qonunlar bilan, shuningdek, tuzilgan shartnoma bilan 
tartibga solinadi. 
Auditor tomonidan maxsus auditorlik topshirig’i bilan bajariladigan ishlarning mazmuni, 
xarakter iva hajmi ushbu ishning yuzaga kelish zarurati bilan bog’liq holat bilan aniqlanadi. 
Maxsus auditorlik topshirig’ini bajarishdan oldin ayditor unda maxsus auditorlik topshirig’ini 
topshirgan shaxs (buyurtmachi) bilan ishning maqsadi va xarakteri hamda auditor tomonidan 
taqdim etiladigan xulosa mazmuniga nisbatan o’zaro bir-birini tushunishga erishilganidan 
qoniqishi lozim. 
Maxsus topshiriqni bajarishni rejalashtira borib, auditor ishni bajarishni topshirgan shaxs 
(buyurtmachi) uchun maxsus auditorlik topshirig’i bo’yicha xulosa nima uchun, qanday 
maqsadda kerakligini tasavvur qilishi, shuningdek, u bilan tanishish ehtimoli bo’lgan 
shaxslarning tarkibi va doirasini aniqlashi lozim. Auditorning maxsus topshiriq bo’yicha 
tayyorlagan xulosasidan mo’ljallangan maqsadlarda foydalanish imkoniyatini istisno qilish 
uchun audit hujjatda uning tayyorlanish maqsadini ko’rsatishi hamda xulosadan boshqa odamlar 
foydalanish doirasining cheklanishini belgilab qo’yishi mumkin. 
Hamma maxsus auditorlik topshiriqlari bo’yicha xulosaning tuzilishi taxminan quyidagi 
ko’rinishda bo’ladi. 

Hujjatning umumiy nomi «Maxsus auditorlik topshirig’i bo’yicha xulosa». 

Adresat. 
Maxsus auditorlik topshirig’ini bajaruvchi auditorlik tashkilotining taqdimoti.
Maxsus auditorlik topshirig’i ob’ekti. 
Iqtisodiy sub’ektning buxgalteriya hujjatlarini tuzish uchun, shuningdek, hisobning 
dastlabki ma’lumotlarini ham mos holda aks etishi, buxgalteriya yozuvlarining bir xilligini 
ta’minlashni ham qo’shib, ijroiya organ javobgarligini belgilash. 
Auditorlik tashkiloti tomonidan bajarilgan ishlarni ta’riflash. 
Auditorlik tashkiloti maxsus auditorlik topshirig’ini bajarish paytida qo’llagan metodlarni 
izohlash va asoslash. 
Auditorlik tashkiloti jiddiy deb hisoblagan masalalarni bayon qilish. 
Auditorlik tashkilotining maxsus auditorlik topshirig’ini bajarilish natijalari bo’yicha 
fikrlari. 
Xulosa berilgan sana. 
Auditorlik tashkiloti rahbari yoki mustaqil ishlovchi auditorning imzosi. 
Maxsus auditorlik topshirig’i auditor tomonidan iqtisodiy sub’ektning topshirig’i bilan 
bajarilsa, iqtisodiy sub’ekt va auditor orasidagi shartnomada auditordan kutiladigan fikr 
ifodalanishi bo’yicha masala shakllantirilgan bo’lishi lozim. 
Maxsus auditorlik topshirig’i uchun savollar shunday shakllantirilishi kerakki, ularga 
berilgan javoblar ikkiyoqlama sharhlanishga ega bo’lmasin. 
Maxsus topshiriqlar bo’yicha auditorlik xulosalarining alohida turlari mohitini ko’rib 
chiqamiz. 
Buxgalteriya hisobotini alohida moddalarini tekshirish bo’yicha maxsus auditorlik 
topshirig’i bo’yicha xulosalar. Maxsus auditorlik topshiriqlariga mos ravishda auditorga 
buxgalteriya hisobotining bir yoki bir necha moddasiga nisbatan fikrlar bildirish topshirilishi 
mumkin. Masalan, debitorlik qarzdorligi holati, moddiy – ishlab chiqarish zaxiralari, asosiy 
vositalar mavjudligi va holati, alohida jismoniy shaxslarga ish haqining to’g’ri hisoblanishi va 
daromadidan soliq ajratmalari haqida. Shuningdek, auditordan buxgalteriya hisobining qaysidir 
ko’rsatkichlariga nisbatan, masalan, shartnomaga mos holda jamiyat (o’rtoqlik) a’zosiga 
foydaning real ulushidan hisoblanadigan (ajratmalarni) baholash kabilar haqida fikr bildirishini 
ham so’rash mumkin. Bunday maxsus auditorlik topshirig’i alohida shartnoma bo’yicha yoki 
buxgalteriya hisobotining ishonchliligini umumiy tekshiruv jarayonida ham bajarilishi mumkin. 

---