Moliyaviy hisobot auditi

4-MAVZU. BUXGALTERIYA BALANSI MODDALARI VA 
BUXGALTERIYA HISOBI REGISTRLARI MOSLIGI NAZORATI (Mavzuga oid 
mustaqil ta’lim topshiriqlari) 
O’zbekiston Respublikasi buxgalteriya hisobining 15 son buxgalteriya balansi nomli 
bhmsni o’rganing
MILLIY STANDARTI 
15-SON BHMS 
BUXGALTERIYA BALANSI 
Muqaddima 
1-§. Umumiy qoidalar 
2-§. Axborotni oshkor qilishning asosiy qoidalari 

---

MOLIYAVIY HISOBOT AUDITI” FANIDAN MUSTAQIL TA`LIM MASHG’ULOTLAR 
MAVZULARI
157 
3-§. Uzoq muddatli aktivlar 
4-§. Joriy aktivlar 
5-§. O’z sarmoyasi (O’z sarmoyasi manbalari) 
6-§. Majburiyatlar 
7-§. Buxgalteriya balansi qismidagi tushuntirishlar 
Mazkur Buxgalteriya hisobi milliy standarti (BHMS) O’zbekiston Respublikasining 
“Buxgalteriya hisobi to’g’risida”gi Qonuniga (O’zbekiston Respublikasi Oliy Majlisining 
Axborotnomasi, 1996 y., 9-son, 142-modda) asosan ishlab chiqildi hamda O’zbekiston 
Respublikasida buxgalteriya hisobini me’yoriy tartibga solish unsuri hisoblanadi. 
1-§. UMUMIY QOIDALAR 
1. Mazkur standartning maqsadi buxgalteriya balansida aktivlar, o’z sarmoyasi va 
majburiyatlarning mohiyati va taqdim etilishini belgilash hisoblanadi. Standart moliyaviy 
hisobotning tarkibiy qismi sifatida buxgalteriya balansini topshirish chog’ida oshkor 
qilinadigan axborotga qo’yiladigan talablarni o’z ichiga oladi. Ushbu talablar boshqa 
standartlarda mavjud bo’lgan hamda buxgalteriya hisobining o’ziga xos muammolarini 
qamrab oladigan oshkor qilish talablariga muvofiq to’ldirilishi mumkin. 
2. Buxgalteriya balansi moliyaviy hisobotning tarkibiy qismlaridan biri hisoblanadi, 
xo’jalik yurituvchi subyektning mulkiy va moliyaviy ahvoli haqidagi axborotni to’playdi 
hamda oshkor qiladi. 
3. Xo’jalik yurituvchi subyektlar tomonidan (bank va byudjet tashkilotlari bundan 
mustasno) buxgalteriya balansini tayyorlash va oshkor qilish jarayonida mazkur standart 
talablari bajarilishi kerak.