Moliyaviy hisob va hisobat

1.1-jadval
O‘zbekistonda buxgalteriya hisobini isloh qilishning 2-bosqichida qabul qilingan BHMSlar va ularning ro‘yxatga olingan vaqti

BHMS Raqami	BHMSning nomi	Ro‘yxatga olingan vaqti
BHMS –1	Hisob siyosati va moliyaviy hisobot	14.18.1998
BHMS – 2	Asosiy xo‘jalik faoliyatidan olingan daromad	26.08.1998
BHMS – 3	Moliyaviy natijalar to‘g‘risidagi hisobot	26.08.1998
BHMS – 4	Tovar – moddiy zaxiralari	26.08.1998
BHMS – 5	Asosiy vositalar	23.08.1998
BHMS – 6	Lizing hisobi	16.08.1998
BHMS – 7	Nomoddiy aktivlar	20.09.1998
BHMS – 8	Konsolidatsiyalashgan moliyaviy hisobotlar va shu’ba xo‘jalik jamiyatlarida sarmoyalar hisobi	28.12.1998
BHMS – 9	Pul oqimlari to‘g‘risidagi hisobot	04.11.1998
BHMS – 10	Davlat subsidiyalari hisobi va davlat yordamini ochish	03.12.1998
BHMS – 11	Ilmiy – tadqiqot va tajriba – konstruktorlik ishlariga oid xarajatlar	28.12.1998
BHMS – 12	Moliyaviy sarmoyalar hisobi	16.01.1999
BHMS – 16	Buxgalteriya balansi tuzilgan sanadan keyingi xo‘jalik faoliyatida ro‘y bergan kutilmagan xolatlar va xodisalar	23.12.1998
BHMS – 17	Kapital qurilishda pudrat bo‘yicha shartnomalar	23.12.1998
BHMS – 19	Inventarizatsiyani tashkil qilish va o‘tkazish	02.11.1999
BHMS – 20	Kichik tadbirkorlik sub’ektlarida soddalashtirilgan hisobni yuritish va hisobotni tuzish tartibi	24.01.2000

O‘zbekistonda buxgalteriya hisobini isloh qilishning dastlabki ikkita bosqichida amalga oshirilgan ishlarning hozirgi – uchinchi bosqichning amalga oshirilishida o‘rni benihoya katta bo‘ldi. O‘zbekistonda buxgalteriya hisobini isloh qilishning 3-bosqichi 2002 yildan-hozirgi paytgacha bo‘lgan davrni o‘z ichiga oladi.

Ushbu O‘zbekistonda buxgalteriya hisobini isloh qilishning hozirgi bosqichida quyidagi ishlar amalga oshirildi:

• 
  “Statistika va moliyaviy hisobotini yanada takomillashtirish chora-tadbirlari to‘g‘risida”gi O‘zR Vazirlar Mahkamasining 2002 yil 25 iyundagi 227-sonli Qarori;
  
• 
  O‘zR Buxgalteriya hisobining milliy standartlari (14-, 15-, 21-, 22-, 23- va 24-sonli BHMSlar);
  
• 
  Yangi tahrirlagi Buxgalteriya hisobining milliy standartlari (4-, 5-, 6- va 7-sonli BHMSlar);
  
• 
  Moliyaviy hisobot shakllari va ularni to‘ldirish bo‘yicha qoidalar (Moliya vazirligining 2002 yil 27 dekabrdagi 140-sonli bo‘yrug‘i bilan tasdiqlangan, Adliya vazirligida 2003 yil 24 yanvarda 1209-son bilan ro‘yxatga olingan);
  
• 
  O‘zbekiston Respublikasining “Buxgalteriya hisobi to‘g‘risida”gi Qonuni (yangi tahriri);
  
• 
  Buxgalteriya hisobining alohida ob’ektlarining buxgalteriya hisobi bo‘yicha Nizomlar: asosiy fondlarni qayta baholash, ishonchnomalar berish, hujjatlar va hujjatlashtirish, mol-mulkning kamomadi va ortiqchalarini aks ettirish, lizing operatsiyalari, chet el valyutasidagi operatsiyalar, xususiylashtirish va investitsion fondlarda buxgalteriya hisobi, qayta ishlashga berilgan xom-ashyolar hisobi, elektr energiyasini sotish hisobi va boshqa masalalarga bag‘ishlangan nizomlar.