"Молиявий менежмент" фанининг предмети, объекти

Риск коэффициенти
кўрилиши мумкин бўлган энг катта зарар миқдори
=	-----------------------------------------------
	ўз молиявий ресурслари ҳажми

Тадқиқотлар шуни кўрсатадики, коэффициентнинг оптимал қиймати - 0,3га тенг бўлиб, 0,7 ва ундан катта бўлса инвесторнинг банкротликка учраш хавфи юқори бўлади.
Иккинчи тамойилга кўра инвестор кўриши мумкин бўлган зарарнинг энг катта миқдорини билиши ва унинг рискини ўз зиммасига олиши ёки бошқаларга юклаши мумкин.
Учинчи тамойил асосан рискни бошқа шахс зиммасига ўтказилаётганда қўлланилади. Бу ҳолатда инвесторни суғурта бадали ва суғурта пули ўртасидаги мувофиқлик қаноатлантириши керак.
Суғурта бадали – бу суғурталанувчининг суғурталовчига суғурта таваккаллиги учун тўлови.
Суғурта пули – суғурталанган моддий қимматликлар суғурталанган пул миқдори.
Молиявий рискларни камайтириш учун қуйидаги усуллардан фойдаланилади:

• 
  диверсификация;
  
• 
  танлаш ва натижалар тўғрисида қўшимча ахборотларни сотиб олиш;
  
• 
  лимитлаш;
  
• 
  суғурталаш ва бошқалар.
  

Диверсификация деганда сармояни турли-хил, бир-бирига боғлиқ бўлмаган объектларга қўйиш тушунилади. Инвестиция жамғармаларининг фаолияти асосан диверсификациялашга асосланиб, улар ўз мижозларига сотган акциялардан тушган тушумни бошқа барқарор даромад келтирувчи қимматли қоғозларга қўядилар⁶⁰.
Ахборотлар ёки маълумотлар ҳам керак бўлганда қимматбаҳо товар сифатида сотиб олинади. Тўлиқ маълумотларнинг баҳосига бирор бир сотиб олинаётган нарса баҳосининг кутилаётган баҳосидан фарқи сифатида қаралади.
Лимитлаш – бу лимитни ўрнатиш, яъни харажатларни чегаралаш бўлиб, банклар томонидан ссуда беришда, хўжалик субъектлари томонидан товарларни қарзга сотишда, инвесторлар томонидан қўйиладиган капитал суммасини белгилашда фойдаланилади.
Суғурталашдан мақсад, инвестор рискдан қисман ёки бутунлай қочиш мақсадида ўз даромадининг бир қисмидан воз кечади. Рискни (риск) суғурталаш унинг даражасини пасайтиришнинг энг кенг тарқалган усулларидан ҳисобланади.