Молиявий ҳисоботнинг халқаро стандарти 3 Бизнес бирлашувлари Мақсади

Сотиб олинувчидаги назорат кучига эга бўлмаган улуш 
Б44 
Мазкур МҲХС сотиб олувчига сотиб олинувчидаги назорат кучига эга бўлмаган улушни сотиб олиш 
санасида унинг ҳаққоний қийматида баҳолашга имкон беради. Баъзида сотиб олувчи назорат кучига 
эга бўлмаган улушнинг сотиб олиш санасидаги ҳаққоний қийматини акциялар (яъни сотиб олувчи 
эгалик қилмайдиган акциялар) бўйича фаол бозордаги белгиланган нарх асосида баҳолаш 
имкониятига эга бўлади. Бироқ, бошқа ҳолатларда, акциялар бўйича фаол бозордаги белгиланган 
нарх мавжуд бўлмайди. Ушбу ҳолатларда, сотиб олувчи назорат кучига эга бўлмаган улушнинг 
ҳаққоний қийматини бошқа баҳолаш усуллари орқали баҳолаши мумкин. 
Б45 
Сотиб олувчининг сотиб олинувчидаги улушининг ва назорат кучига эга бўлмаган улушнинг бир 
акция бўйича ҳаққоний қийматлари фарқ қилиши мумкин. Асосий фарқ сотиб олувчининг сотиб 
олинувчидаги улушининг бир акция бўйича ҳаққоний қийматида назорат мукофотининг инобатга 
олиниши, ёки аксинча, назорат кучига эга бўлмаган улушнинг бир акция бўйича ҳаққоний 
қийматида назорат мавжуд бўлмаслиги дисконтининг (назорат кучига эга бўлмаган улуш дисконти 
деб ҳам юритилади) инобатга олиниши бўлиши мумкин, агарда бозор иштирокчилари назорат 
кучига эга бўлмаган улушни нархлашда бунда мукофот ёки дисконтни инобатга олиши мумкин 
бўлса. 

---

МҲХС 3 
26 
©
МҲХС Фонди 
Гудвиллни ёки манфаатли хариддан фойдани баҳолаш 
Сотиб олувчининг сотиб олинувчидаги улушининг сотиб олиш 
санасидаги ҳаққоний қийматини баҳолаш усуллари орқали 
баҳолаш (33-бандни қўллаш) 
Б46 
Товон ўтказилмасдан эришиладиган бизнес бирлашувида, сотиб олувчи гудвилл ёки манфаатли 
хариддан фойдани баҳолаш учун ўтказилган товоннинг сотиб олиш санасидаги ҳаққоний қийматини 
ўзининг сотиб олинувчидаги улушининг сотиб олиш санасидаги ҳаққоний қиймати билан 
алмаштириши шарт (32-34 бандларга қаранг).