Молиявий ҳисоб

Ўзини – ўзи текшириш учун саволлар
1. Консолидациялашган молиявий ҳисоботнинг мақсади нима ?
2. Корхоналарнинг бирлашуви деб нимага айтилади ?
3. Консолидациялашган ҳисобот учун нималар алоҳида акс эттирилиши 
керак: ?
4. Консолидациялашган ҳисобот ахборотлариданидан кимлар манфаатдор 
бўлади ?
5. Бош жамиятга тариф беринг ?
6. Назорат нима ?
7. Корхоналарда консолидациялашган ҳисобот тузишнинг асосий 
қоидалари қандай ?
8. Консолидациялашган ҳисобот тузишнинг объектлари, субъектлари ва
услубий жиҳатлари нималардан иборат ?
9. Умумлаштирилган ҳисоботни тузишнинг нечта асосий босқичи бор ? 
10. Консолидациялаштирилган молиявий ҳисобот таркибида бериладиган 
қандай бошқа зарурий ахборотлар бор ? 

---

15-мавзу:БАЛАНС РЕФОРМАЦИЯСИ
 
Таянч сўз ва иборалар: баланс, бухгалтерия баланси, баланс 
реформацияси, якуний молиявий натижа, баланс моддалари.  
 
10.1.Баланс реформацияси тушунчаси 
Баланс реформацияси — ҳисобот йили мобайнида олинган фойдани 
тақсимлаш ёки йил учун олинган зарарни ҳисобдан чиқариш. 
Баланс реформациясини ўтказиш ҳар бир янги йил бошидан ўтган 
йилнинг молиявий натижаларини ўсиб борувчи якун билан акс 
эттирилишининг якунланиши билан изоҳланади. Шунинг учун 1 январда 
молиявий натижаларни ҳисобга олувчи счётлар ўтган йилнинг ёзувларидан 
«тозаланган» бўлиши керак. 
Корхона фаолиятининг ўтган йил мобайнидаги молиявий 
натижалари 9910-«Якуний молиявий натижа» счётида шакллантирилади. 
Якуний молиявий натижа асосий фаолият бўйича даромадлар, 
молиявий фаолият бўйича даромадлар ва фавқулодда даромадлардан, ушбу 
фаолият турлари бўйича харажатлар суммасига камайтирилган ҳолда 
таркиб топади. 
9910-«Якуний молиявий натижа» счётининг дебетида харажатлар 
(зарарлар), кредитида эса корхонанинг даромадлари (фойдалари) акс 
эттирилади. Ҳисобот давридаги дебет ва кредит айланмаларини таққослаш 
ҳисобот даврининг соф фойдаси (зарари)ни кўрсатади. 
Ҳисобот йилининг якунлари бўйича йиллик молиявий ҳисобот тузиш 
чоғида 9910-«Якуний молиявий натижа» счёти 8710-«Ҳисобот даврининг 
тақсимланмаган 
фойдаси 
(қопланмаган 
зарари)» 
счёти 
билан 
корреспонденцияда ёпилади. 
Баланс реформацияси 31 декабрь ҳолати бўйича қуйидаги счётларни 
ёпиш билан амалга оширилиши керак: 
9000-«Асосий (операцион) фаолиятнинг даромадлари»; 
9100-«Сотилган маҳсулот (товар, иш, хизмат)ларнинг таннархи»; 
9300-«Асосий фаолиятнинг бошқа даромадлари»; 
9400-«Давр харажатлари»; 
9500-«Молиявий фаолият даромадлари»; 
9600-«Молиявий фаолият бўйича харажатлар»; 
9710-«Фавқулодда фойдалар»; 
9720-«Фавқулодда зарарлар»; 
9810-«Солиқлар ва йиғимларни тўлаш учун фойданинг 
ишлатилиши». 
Ҳисобот йилининг якунлари бўйича корхона фойда олса (яъни, 9910-
счётнинг кредит томонидаги сальдо), унда ҳисобда бу операция қуйидаги 
жарёнларни қамраб олади: 

---