Молиявий ҳисоб 1 Ўқув қўлланма

Рўйхатга олинмаган даромадлар ва харажатларни тан олиш (ҳисоблаш)
Рўйхатга олинмаган (ҳисобланган) даромадлар – бу товарларни юклаб жўнатиш ёки хизматларни кўрсатиш натижасида ушбу ҳисобот даврида ҳуқуқи пайдо бўлган, аммо ҳали рўйхатдан ўтказилмаган даромадлардир.
Рўйхатга олинмаган (ҳисобланган) харажатлар – бу мазкур ҳисобот даврида мажбуриятлари пайдо бўлган ҳар қандай рўйхатга олинмаган харажатлар, аммо ушбу мажбуриятлар фақат келгуси ҳисобот даврларида қопланади.
Шундай қилиб тузатувчи (трансформациявий) ўтказмалар қуйидаги ҳолларда зарур:

• 
  рўйхатга олинган харажатлар икки ёки ундан ортиқ даврларга бўлинади;
  
• 
  рўйхатга олинган даромадлар икки ёки ундан ортиқ даврларга бўлинади;
  
• 
  рўйхатга олинмаган харажатлар мавжуд;
  
• 
  рўйхатга олинмаган даромадлар мавжуд.
  

Трансформациявий ёзувларни тайёрлаш қуйидаги жадвалда келтирилган:

Тузатувчи ўтказма тури	Ҳисобварақ тури		Мисоллар
	Дебетланади	Кредитланади
Муддатини узайтириш
1. Рўйхатга олинмаган харажатларни тақсимлаш	Харажатлар	Актив (ёки контрактив)	Аввалдан тўланган ижара ҳақи. Суғурта. Материаллар. Асосий воситалар.
2. Рўйхатга олинмаган даромадларни тақсимлаш	Мажбуриятлар	Даромадлар	Бўнак сифатида олин-ган комиссия ҳақи
Ҳисоблаш
1. Рўйхатга олинмаган даромадлар (ишлаб топилган, аммо ҳақи олинмаган)	Актив	Даромадлар	Комиссия ҳақи, олинадиган фоизлар
2. Рўйхатга олинмаган харажатлар (қилинган, аммо тўланмаган)	Харажатлар	Мажбуриятлар	Тўланадиган иш ҳақи. Тўланадиган фоизлар