Молиявий ҳисоб 1 Ўқув қўлланма

Фоиз кўринишдаги харажатлар 6,000

Ҳисобланган фоизлар (100,000 х 0.12 х 1/2) 6,000

Фоизлар тўланганда:

Ҳисобланган фоизлар 6,000

Пул маблағлари 6,000
3. Қарзлар бўйича харажатлар ҳисобини йўл қўйиладиган усули
Қарзлар бўйича харажатлар таннархнинг бир қисми сифатида қуйидаги шартлар бажарилганда капиталлаштирилади:
(а) улар келгусида иқтисодий самара келтириш эҳтимолига эга бўлганда;
(б) харажатларни аниқ ҳисоблаш имконияти мавжуд бўлганда.
Капиталлаштириладиган қарзлар бўйича харажатлар:

• 
  Агар қарзлар маълум таснифланадиган активни сотиб олиш, қуриш ва ишлаб чиқаришга мўлжалланган махсус мақсадларда олинган бўлса, унда капиталлаштириладиган харажатлар маълум ҳисобот даври давомида қарз олиш билан боғлиқ ҳақиқий харажатлардан таснифланадиган активни капитал қўйилмаларга ишлатилгунга қадар ушбу қарзларни вақтинчалик инвестиция қилишдан олинган даромадларни айирган суммаси чегарасида капиталлаштирилади.
  
• 
  Агар таснифланадиган активни сотиб олиш билан бевосита боғлиқ бўлган қарзлар суммасини аниқлаш мураккаб бўлса, капиталлаштириладиган сумма капиталлаштириш меъёри асосида аниқланади. Капиталлаштириш меъёри – бу таснифланадиган активни олиш учун махсус мақсадларда олинадиган қарзлардан ташқари, ҳисобот даври мобайнида барча бошқа қайтарилмаган қарзланинг ўртача тортилган қийматидир.
  

Қарзлар бўйича харажатларни капиталлаштирилиши
Қарзлар бўйича харажатларнинг капиталлаштирилиши қуйидаги ҳолларда бир вақтнинг ўзида бошланади:

• 
  қачонки, активга, пул маблағларини тўлаш, активларни ўтказиш ёки мажбуриятларни ўз зиммасига олишда акс эттирилган, актив билан боғлиқ бўлган барча олинган субсидиялар суммасига камайтирилган капитал қўйилмалар содир этилганда;
  
• 
  қарзлар бўйича сарфлар амалга оширилганда;
  
• 
  активни кўзда тутилган қўлланилишига тайёрлаш бўйича керакли ишлар давом этса.