Moliya va raqamli axborot texnologiyalari

 
Birinchi bosqichda
kompyuter tarmog‘ining zaif elementlari tahlillanadi, 
taxdidlar aniqlanadi va baholanadi, himoyaning optimal vositalari tanlanadi. Xavf-
xatarni tahlillash xavfsizlik siyosatini qabul qilish bilan tugallanadi. 
 
Ikkinchi bosqich
– xavfsizlik siyosatini amalga oshirish moliyaviy xarajatlarni 
hisoblash va masalalarni echish uchun mos vositalarni tanlash bilan boshlanadi. 
Bunda tanlangan vositalar ishlashining ixtilofli emasligi, vositalarni etkazib 
beruvchilarning obro‘si, himoya mexanizmlari va beriladigan kafolatlar xususidagi 
to‘la axborot olish imkoniyati kabi omillar hisobga olinishi zarur. Undan tashqari,
axborot xavfsizligi bo‘yicha asosiy qoidalar aks ettirilgan prinsiplar hisobga olinishi 
kerak. 
 
Uchinchi bosqich
– xavfsizlik siyosatini madadlash bosqichi eng muhim 
hisoblanadi. Bu bosqichda o‘tkaziladigan tadbirlar niyati buzuq odamlarning 
tarmoqqa bostirib kirishini doimo nazorat qilib turishni, axborot ob’ektini 
himoyalash tizimidagi “rahna”larni aniqlashni, konfidensial ma’lumotlardan 
ruxsatsiz foydalanish xollarini hisobga olishni talab etadi. Tarmoq xavfsizligi 
siyosatini madadlashda asosiy javobgarlik tizim ma’muri bo‘ynida bo‘ladi. U 
xavfsizlikning muayyan tizimi buzilishining barcha xollariga operativ munosabat 
bildirishi, ularni tahlillashi va moliyaviy vositalarning maksimal tejalishini hisobga 
olgan xolda himoyaning zaruriy apparat va dasturiy vositalaridan foydalanishi shart. 
Login, parol va avtorizatsiya tushunchasi. 
 
Login 
– shaxsning, o‘zini axborot kommunikatsiya tizimiga tanishtirish 
jarayonida qo‘llaniladigan belgilar ketma-ketligi bo‘lib, axborot kommunikatsiya 
tizimidan foydalanish huquqiga ega bo‘lish uchun foydalaniluvchining maxfiy 
bo‘lmagan qayd yozuvi hisoblanadi.