Moliya va raqamli axborot texnologiyalari

 
Elektron raqamli imzo nima?
Elektron raqamli imzo
– davlat idoralari bilan o‘zaro munosabatni o‘rnatishda 
jismoniy yoki yuridik shaxsga elektron xatti-harakatlarini tasdiqlash uchun zarur 
bo‘ladigan, mas’ul davlat organi tomonidan taqdim etilgan, elektron raqamli imzo 
yopiq kalitining egasini identifikatsiya qilish imkoniyatini beradigan imzo. 
Sodda tilda aytsak, bu – shaxsning raqamlardan iborat elektron imzosi va uning 
kuchi shaxsning qo‘lda chekilgan imzosiga tenglashtiriladi. 
 
Elektron raqamli imzo nimaga kerak?
Elektron raqamli imzo yordamida elektron hujjatlarni imzolash, masofadan turib 
davlat xizmatlaridan foydalanish mumkin. 
Elektron raqamli imzo noyobligi, nusxa olish ya’ni ko‘paytirib bo‘lmasligi bilan, 
hujjatni imzolagan shaxsni tasdiqlashi bilan, qalbakilashtirishning imkonsizligi 
bilan o‘ziga xosdir. 
 
Elektron raqamli imzodan foydalanish muddati qancha?
Misol uchun, uning yordamida bugun YAgona portal orqali ko‘rsatilayotgan 240 
dan ziyod interaktiv xizmatlardan foydalanish mumkin. ERI kaliti foydalanuvchisi 
o‘zining kalitidan 24 oy muddat mobaynida foydalana oladi. Uni uzaytirish uchun 
siz elektron raqamli imzo kalitini olingan Ro‘yxatga olish markaziga murojaat 
qilishingiz zarur. 
 
Elektron raqamli imzo kimlarga beriladi?
ERI kalitlarning sertifikatlari yuridik va jismoniy shaxslarning murojaatlari bo‘yicha 
beriladi. 
Murojatt qilgan shaxs ro‘yxatdan o‘tish va ERI kalitining sertifikatini olish uchun 
soliq xizmatlari organlarida hisobda turishi zarur (soliq to‘lovchining identifikatsiya 
raqami – STIR bo‘lish kerak). 
 
Infografika 
(6.4-rasm)
:

---

76 
 
Elektron raqamli imzoni qaerdan olish mumkin? 
Vazirlar Mahkamasining 
23.10.2017 yildagi 864-son «Tadbirkorlik sub’ektlariga faqat 
«yagona darcha» tamoyili bo‘yicha yagona markazlar orqali 
ko‘rsatiladigan davlat xizmatlari ro‘yxatiga qo‘shimcha 
kiritish to‘g‘risida» Qarori e’lon qilingungacha, 6 ta rasmiy 
davlat ro‘yxatidan o‘tgan (amaldagi) elektron raqamli imzo 
kalitlarini ro‘yxatga olish markazlari faoliyat yuritib kelardi:
o
Davlat soliq qo‘mitasi huzuridagi YAngi texnologiyalar ilmiy-axborot markazi; 
o
Markaziy bank Xavfsizlik va axborotni muhofaza qilish departamenti; 
o
Davlat bojxona qo‘mitasi; 

---

77 
o
Fan-texnika va marketing tadqiqotlari markazi “UNICON.UZ” Davlat unitar 
korxonasi; 
o
Moliya vazirligi huzuridagi Axborot-hisoblash markazi Davlat unitar korxonasi; 
o
“INTELLECT SOFT” xususiy korxonasi. 
Siz shu markazlardan biriga murojaat qilishingiz kerak bo‘lardi. 
Endi esa, 
elektron raqamli imzolar (ERI) kalitlarini ro‘yxatga olish va sertifikatini berish 
faqat «yagona darcha» markazida amalga oshiriladi.
Muqaddam ushbu xizmat 
bevosita davlat soliq xizmati organlari tomonidan amalga oshirilar edi. 
Eslatib o‘tamiz, ERI davlat va xo‘jalik boshqaruvi organlari, mahalliy davlat 
hokimiyati organlari hamda tijorat banklari tomonidan ko‘rsatiladigan barcha 
xizmatlardan erkin foydalanishni ta’minlaydi. 
DSI, Adliya vazirligi, Axborot texnologiyalari va kommunikatsiyalarini 
rivojlantirish vazirligi hamda SSPga bir oy muddatda ushbu yo‘nalishdagi markazlar 
faoliyatini yo‘lga qo‘yish topshirilgan.