Moliya va raqamli axborot texnologiyalari

 
5. Internet tarmog‘ining milliy segmentida joylashgan veb-saytlarni axborot 
xavfsizligi holati bo‘yicha tekshirish 
Tashkilotning rasmiy veb-sayti u qanday ish bajarishidan qat’i nazar juda muhim 
axborot resursi hisoblanadi. Siz ushbu veb-saytdan elektron tijorat, buyurtmachi va 
etkazib beruvchilar bilan muloqot qilish, fuqaro murojaatlari bilan ishlash, tashkilot 
mavqei va unga bo‘lgan ishonchni saqlash maqsadida real vaqt rejimida kerakli 
ma’lumotlardan o‘z vaqtida xabardor bo‘lish va ularni olish uchun foydalanasiz. 
SHulardan kelib chiqqan holda, sizning veb-saytingiz muntazam va o‘z maromida 
ishlab turishi lozim. Bunday vazifalarni bajarish uchun veb-saytlarda axborot 
xavfsizligini ta’minlash talablariga e’tibor qaratish, ularni axborot xavfsizligi 
bo‘yicha ekspertizadan o‘tkazish kabi ishlarni amalga oshirish talab etiladi. 
Veb-saytlarni zaifliklar va xavflar bo‘yicha tekshirish tashkilot veb-saytining 
axborot xavfsizligini ta’minlash uchun dolzarb vazifa hisoblanadi. 
Veb-saytlarni zaifliklar bo‘yicha tekshirish – bu veb-sayt va uning kodidagi 
mavjud bo‘lgan xatolar, zaifliklar, xavflar, serverning dasturiy qismidagi 
kamchiliklar hamda xakerlar tomonidan ulardan foydalanib amalga oshiriladigan 
hujumlar to‘g‘risidagi ma’lumotlarni taqdim qilish kabi kompleks faoliyatlardan 
iborat jarayondir. 
Internetda ishlaganda veb-ilovalar xavfsizligi dolzarb masala hisoblanadi. Veb-sayt 
yoki veb-ilovalardan foydalanib, interaktiv xizmatlar taqdim etilgan vaqtda mazkur 
veb-saytlar juda zaif bo‘lib qoladi. Veb-sayt ishlab chiqilayotganda uning axborot 
xavfsizligini ta’minlash masalasi ikkinchi darajadagi masala bo‘lib qolmoqda va 
ishlab chiquvchilar WEB 2.0. texnologiyasidan foydalanib, foydalanuvchilarga 
qulaylik yaratishga va veb-saytning tashqi ko‘rinishiga ko‘proq e’tibor 
qaratmoqdalar. Ko‘pgina tashkilotlar veb-saytlarni axborot xavfsizligi bo‘yicha 
tekshirish masalasi qanchalik muhim ekanligini hali ham tushunmaydi. 
Veb-saytlarni zaifliklar va xavflar bo‘yicha tekshirish Axborot xavfsizligini 
ta’minlash markazi mutaxassislari tomonidan ishlab chiqilgan sxema asosida 

---

192 
amalga oshiriladi. Ushbu tekshiruvlar doirasida veb-saytning xakerlik hujumlariga 
dosh bera olish qobiliyati o‘rganib chiqiladi. Agar veb-saytlar 1C-Bitrix, NetCat, 
WordPress, Joomla, Drupal kabi mashhur veb-sayt boshqaruv tizimlari orqali ishlab 
chiqilgan bo‘lsa,mazkur tizimlar ham qo‘shimcha tarzda tekshiruvdan o‘tkaziladi. 
O‘tkazilgan tekshiruv natijalari, veb-saytda aniqlangan xavflar va zaifliklar 
hamda ularni bartaraf etish yo‘llari to‘g‘risidagi hisobot buyurtmachiga taqdim 
etiladi.Ushbu xizmat kelishuv asosida amalga oshiriladi va turli omillarga ko‘ra 
alohida hisob-kitob qilinadi. 
Agar sizda savollar paydo bo‘lgan bo‘lsa yoki tashkilotingiz veb-sayti 
xavfsizligi haqida qayg‘ursangiz, Axborot xavfsizligini ta’minlash markazi 
mutaxassislari bilan bog‘lanish uchun quyidagi telefon raqamga yoki elektron 
manzilga murojaat qilishingiz mumkin.