Moliya va boshqaruv hisobi

Boshqaruvning axborot tizimi, zamonaviy boshqaruv hisobi



Buxgalteriya har qanday tashkilot umumiy axborot tizimining muhim bo'laklaridan biri hisoblanadi. Axborotning ichki va tashqi foydalanuvchilari cheklangan iqtisodiy resurslarini joylashtirishda qaror qabul qilishlari kerak. Buxgalteriya tizimi quyidagi faoliyatlarni o'z ichiga oladi:

• tegishli iqtisodiy ma'lumotlarni aniqlash;

• barcha to'plangan ma'lumotlarni sistematik yozish;

• to'plangan ma'lumotlarni tahlil va talqin etish;

• ma’lumotlarni menejerlarning talabini qondirishi mumkin bo’lgan shaklda taqdim etish.

Boshqaruv hisobi menejerlarga qaror qabul qilishda yordam beradigan moliyaviy va nomoliyaviy axborotlarni o’lchaydi va ular haqida hisob beradi. Moliyaviy hisobda aks ettirilgan moliyaviy axborot istemolchilar, hukumat va tashqi tomonlar uchun chop etilishini kafolatlash menejerlarning majburiyatidir .

Xarajatlar hisobi moliyaviy va boshqaruv hisobi uchun axborotlarni ta’minlaydi. U daromadlar va tashkilot resurslaridan foydalanish bilan bog’liq bo’lgan moliyaviy va nomoliyaviy axborotlarni o’lchaydi va hisob beradi.

Boshqaruv va xarajatlar hisobi uchun, faoliyatni va moliyaviy biznes operatsiyalarni yozib borishdan tashqari, boshqarish, rejalashtirish va qaror qabul qilish funksiyalariga tasir ko’rsatishi mumkin bo’lgan sifatli axborotni e’tiborga olishlari kerak.