Moliya-iqtisod

ХULOSA 59

Foydalanilgan adabiyotlar ro’yxati 62

KIRISH

Bitiruv malakaviy ish mavzusining dolzarbligi. Iqtisodiyotni erkinlashtirish sharoitida hukumatimiz oldiga mamlakat ijtimoiy-iqtisodiy taraqqiyotini samarali boshqarishning muhim sharti bo’lgan moliyaviy barqarorlikni ta’minlashning zamonaviy usullaridan foydalanish vazifasini qo’ymoqda.

Mamlakat moliyaviy barqarorligini ta’minlashning asosiy yo’nalishlaridan biri bo’lgan budjet-soliq siyosatini to’g’ri yo’lga qo’yish, real voqelikni inobatga oladigan, ilmiy asoslangan iqtisodiy boshqaruv mexanizmlarini ishlab chiqishni taqozo etmoqda.

Davlat moliyasi barqarorligi davlat budjeti daromadlari istiqbolini rejalashtirishga va mamlakatda amalda bo’lgan soliq-budjet siyosatiga ham bog’liqdir. Shuning uchun ham keyingi yillarda faol ravishda va turli tuman doiralarda keng muhokama etilayotgan masalalar qatorida davlat budjetining soliqli daromadlarini rejalashtirish va ularning o’z vaqtida davlat budjetiga kelib tushishini ta’minlash hisoblanadi.

To’g’ri soliqlar davlat budjeti soliqli daromadlarining salmoqli qismini tashkil etganligi uchun ham ayni paytda ushbu soliqlarni to’g’ri hisoblanishi, o’z vaqtida davlat budjetiga kelib tushishi va bu ishlar hisobi olib borilishini nazorat qilib borish ham muhim ahamiyat kasb etadi.

O’zbekiston Respublikasi prezidenti I.A.Karimov ta’kidlaganlaridek,

,,Prinsipial muhim ustuvor vazifalardan biri – soliq siyosatini yanada takomillashtirishdir. Aytish joizki, yuqorida zikr etilgan ustuvor vazifalarning barchasi soliq siyosatimizni takomillashtirish bilan bevosita bog‘liq”.¹

Darhaqiqat, yurtboshimiz qayd etganlaridek, mamlakatdagi barcha islohotlar, ustuvor vazifalarnig muvaffaqiyatli amalga oshirilishi uchun bevosita soliq tizimi takomillashtirilmog’i lozim. Bu esa bevosita to’g’ri soliqlar bo’yicha mavjud masalalarni ham ko’rib chiqishni, sohada qator ilmiy izlanishlar olib borishni va uning natijalariga asoslanib amaldagi holatni yaxshilashga doir taklif

¹ I.A.Karimov - O’zbekiston Respublikasi Oliy Majlisi Senati va Qonunchilik palatasining qo’shma majlisidagi ma’ruzasi. 2005-yil 28-yanvar

va xulosalarni ishlab chiqishni taqozo etadi. Ushbu mavzuning dolzarbligi aynan yuqoridagi fikrlarda ifodalanadi.