Молия фанидан тақдимот Мавзу: Давлат бюджети

Молия фанидан тақдимот

Мавзу: Давлат бюджети

Бажарди: В.Абдураззаков

ССТ-51 гуруҳи

Давлат бюджети мамлакатнинг асосий молиявий режаси сифатида шаклланаётган маблағлар давлат ҳокимияти органлари ва маҳаллий ўзини-ўзи бошқариш органлари фаолиятининг молиявий фаолиятини ташкил этиб, улар давлат ва маҳаллий ҳокимият органлари томонидан тегишли функциялар ва вазифаларнинг бажарилишини таъминлайди. Давлат бюджетининг мақсади ресурсларини тақсимлаш ва қайта тақсимлаш натижасида ижтимоий йўналтирилган жамиятни барпо этиш.

Давлат бюджетининг барқарорлиги мамлакат иқтисодиёти ва энг аввало, унинг ижтимоий соҳаси холатини характерлайдиган энг муҳим кўрсаткичларидан биридир. Бизнинг мамлакатимизда замонавий Давлат бюджети барпо этиш мустақиллигимизнинг дастлабки кунлариданоқ бошланган эди. Бу нарса мамлакат иқтисодиёти олдида турган жуда кескин ўзгаришларни амалга ошириш шароитида содир бўлиб, улар ўз навбатида Давлат бюджетининг олдида турган биринчи даражали вазифаларни ҳам аниқлаб берди. Улар орасида Ўзбекистон иқтисодиётини хўжалик юритишнинг бозор шароитларига мослаштириш, иқтисодий барқарорликни таъминлаш ва миллий иқтисодиётда инвестицион фаолликни рағбатлантириш алоҳида ўринни эгаллайди.

Давлатнинг асосий молиявий режаси давлат бюджети ҳисобланади.

Ҳозирги шароитда Давлат бюджети ижтимоий (ишлаб чиқариш) муносабатларининг бир қисмини ифода этиб, давлатнинг иҳтиёрига мамлакатда яратилган ялпи ички маҳсулот (миллий даромад) нинг нисбатан каттагина қисмини тўплаш ва уни жамият тараққиёти турли соҳаларнинг (иқтисодиёт, маориф, соғлиқни сақлаш, фан маданият ижтимоий таъминот, бошқарув, мудофаа ва бошқалар) ривожанишига йўналтириш имконини берадиган муҳим тақсимлаш воситасидир.

Давлат бюджетида, молия тизимининг бошқа бўлинмаларидан фарқли ўлароқ, икки тушунчанинг терминологик қўшилиши мавжуд:

1. Бюджет – иқтисодий (молиявий) категория сифатида;

2. Бюджет – мамлакатнинг асосий молиявий режаси сифатида.