Модулнинг ишчи ўқув дастури Олий ва ўрта махсус таълим вазирлигининг 020 йил декабрдаги 648-сонли буйруғи билан тасдиқланган ўқув дастури ва ўқув режасига мувофиқ ишлаб чиқилган

Кириш

Мамлакатимизда ахборот-коммуникация технологияларини (AKT) ривожлантириш ижтимоий-иқтисодий тараққиётни ривожлантиришга ва глобал ахборот маконига қўшилишга ёрдам берадиган стратегик йўналишлардан бири сифатида қаралмоқда. Мамлакатимиз таълим муассасалари тизимида амалга оширилаётган чора-тадбирлар AKT нафақат ўқувчининг, балки ўқитувчининг ҳам ижодкор шахсиятини ривожлантиришга ҳисса қўшилиши, инсоннинг асосий эҳтиёжлари - алоқа, таълим, ўзини ўзи англашини амалга оширишга ёрдам беришини таъминлашга қаратилган. Бугунги кунда AKT аста-секин таълим мазмунининг тажрибий таркибий қисмига айланиб бормоқда.
Республика Президентининг 2019 йил 11 июлдаги УП-5763-сонли "Олий ва ўрта махсус таълим соҳасида бошқарувни ислоҳ қилиш чора-тадбирлари тўғрисида" ги Фармонида замонавий таълим шакллари ва ахборот-коммуникация технологиялари воситаларини жорий этиш билан ўқув жараёнини сифат жиҳатидан янгилаш вазифаси қўйилган.
Иш дастур Ўзбекистон Республикаси Президентининг 2019 йил 28 августдаги ПҚ-5789 -сонли " Олий таълим муассасалари раҳбар ва педагог кадрларининг узлуксиз малакасини ошириш тизимини жорий этиш тўғрисида " ги фармонига, Ўзбекистон Республикаси Президентининг 2017 йил 7 февралдаги ПҚ-4947 сонли "Ўзбекистон Республикасини янада ривожлантириш бўйича ҳаракатлар стратегияси тўғрисида" қарорига, шунингдек, Ўзбекистон Республикаси Президентининг 2017 йил 20 апрелдаги ПҚ-2909-сонли "Олий таълим тизимини янада ривожлантириш чора-тадбирлари тўғрисида " ги қарорига мувофиқ ишлаб чиқилган.
Иш дастурда рақамли университет моделларини, шунингдек, ўқув жараёнларини бошқариш учун ахборот тизимларини кўриб чиқилади.

Модулнинг мақсади ва вазифалари

"Рақамли университет" модели ва олий таълим жараёнини бошқаришнинг ахборот тизимлари модулнинг мақсади: олий ўқув юртларида рақамли трансформацияларнинг аҳамиятини кўрсатиш ва олий таълим жараёнини бошқаришнинг сифатини ошириш бўйича тингловчиларда рақамли қарашларни шакллантириш.
"Рақамли университет" модели ва олий таълим жараёнини бошқаришнинг ахборот тизимлари модулнинг вазифалари:

• 
  рақамли университет ва олий таълимдаги рақамли трансформация тушунчаларни таҳлил қилиш;
  
• 
  олий таълимни бошқариш ахборот тизимлари билан таништириш;
  
• 
  Industry 4.0 технологиялари имкониятларидан фойдаланиш.
  
• 
  тингловчиларда рақамли маданиятни шакллантириш.