Модераторлар: Н. Ш. Турдиев, ф-м ф. н.,доцент; В. М. Саидхўжаева, Тошкент вилояти, Пскент тумани

Ўқувчи шахсини ривожлантиришга йуналтирилган таълим қуйидагиларни инобатга олиш тавсия қилинади:

• Ҳар бир ўқувчига буюк шахсдек қараш, уни ҳурмат қилиш, уни тушуниш, қабул қилиш, унга ишониш.
• Таълимнинг шундай муҳитини яратиш керакки, унда ўқувчи ўзини шахс деб сезсин, унга бўлган эътиборни билсин.
• Тайзиқ ўтказмаслик ҳамда унинг камчилигини бўрттирмаслик; билимларни ўзлаштирмаслик, ўзини ёмон тутиши сабабларини аниқлаш ва уларни ўқувчининг шахсиятига зарар етказмайдиган тарзда бартараф этиш.
• Таълимда “муваффақият муҳитини” ташкил этиш, ўқувчига ўқишда муваффақият қозонишига ёрдам бериш, унинг ўз кучи ва иқтидорига ишончини орттириш.
• Ўқувчига атрофдагиларнинг ҳар бири ўзи каби шахс эканлигини англатиш, унда жамоага алоқадорлик ҳиссини ривожлантириш.

Ўқувчи шахсига йўналтирилган таълимда қўлланиладиган замонавий дарс шаклларидан намуналар
Мусобақа дарси – ўқувчиларнинг ўзаро мусобақалашувини ташкил этиш орқали билимларни мустаҳкамлаш машқлари.
Ижод дарси – ўқувчиларнинг мустақил ижод этишларини ташкил этиш дарси.
Синов дарси–ўқувчиларнинг ўзлаштиришини турли шаклларда синаладиган дарс.
Ижодий ҳисоботлар дарси – ўқувчиларнинг айрим мавзулар бўйича мустақил ўрганган билимлари ва хулосалари тақдимоти.
“Парадокслар” дарси – ўқувчиларнинг фаолликлари ва қизиқишларини ошириш мақсадида ўрганилаётган мавзуни ҳар турли парадоксларга боғлаб баён қилиш ҳамда тегишли таҳлиллар ўтказиш асосида тўғри хулосаларни аниқлаш дарси.
Семинар дарс – янги дарс мавзусига доир саволлар бўйича ўқувчиларга олдиндан берилган топшириқларни бажариш натижалари тўғрисида маълумотларни тинглаш орқали синфдаги барча ўқувчилар дарсни ўзлаштиришлари ва билимларини мустаҳкамлашни таъминлаш дарси.
Тажриба синов натижаларига кўра, тавсия этилган таълим технологиялари
Ривожлантирувчи таълим технологиялари
 Ривожлантирувчи таълим маълум бир вақтда, ўқувчининг таълимий, тарбиявий, маънавий, руҳий ва жисмоний ривожлантириш ҳамда уни тез ўзгарувчан дунёда жамиятга, ҳаётга мослашувини таъминловчи таълим назариясидир.