MmO‘zbekiston respublikasi

Izoh: ishxonadan beriladigan tavsifnoma badiiy asar qahramonlariga beriladigan tavsifnomadan farqlanishini unutmaslik kerak.
Harbir kishuning siyrati birinchi navbatda uning kishilar bilan bo‘lgan munosabatlarida, topshirilgan ishni qay darajada bajarishida namoyon bo‘ladi.
Kishilar kundalik hayotlaridagi faoliyatlariga qarab o‘z manfaatini ko‘zlaydigan yoki jamoatchi, saxiy yoki xasis, yumshoqko‘ngil yoki qo‘pol, keskin yoki ko‘ngilchan va h.k. bo‘lishi mumkin.
Kishining biror ishga munosabati yoki xulq-atvori qayd etilganda shu kabi so‘zlardan foydalanib tavsiflanadi.


TAVSIFNOMA MATNI NAMUNASI
NAVOIY DAVLAT PEDAGOGIKA INSTITUTI
O‘zbek tili va adabiyoti fakulteti III kurs talabasi,
1999-y. tug‘ilgan, o‘zbek,
Turg‘un Rahimovga

TAVSIFNOMA

Turg‘un Rahimov 2013-yildan NAVOIY DAVLAT PEDAGOGIKA INSTITUTI talabasi. O‘quv davrida u o‘zini intizomli talaba sifatida ko‘rsatdi. O‘quv mashg‘ulotlariga jiddiy munosabatda bo‘ladi. Hamma fanlardan mustahkam bilimga ega, “yaxshi”va “a’lo” baholarga o‘qiydi. U ayniqsa o‘z ixtisosidagi fanlarga e’tibor beradi. 2015-yil mart oyida u Respublika talabalar ilmiy anjumanida ma’ruza bilan qatnashdi. Uning ma’ruzasi Faxriy yorliq bilan taqdirlandi.

Turg‘un Rahimov jamoat ishlarida faol, u «Konchi» fakultet devoriy gazetasining muharriri hisoblanadi. Turmushda kamtar, juda ham halol va sofdil. Yaxshi o‘rtoq, kursdoshlari orasida hurmat qozongan.
Tavsifnoma Navoiy kon-metallurgiya kombinatiga taqdim etish uchun berildi.


O‘zbek tili va adabiyoti fakulteti dekani A.Allaberdiyev
sana muhr


E’tibor bering:

1. 
   Insonning ishchanlik sifatlari: vijdonli, mehnatsevar, saranjom-sarishta, ishni o‘z vaqtida bajaradigan, tashkilotchi, ongli, o‘ziga va do‘stlariga talabchan, g‘ayratli.
   
2. 
   Axloqiy xislatlari:
   

Halol, sofdil, xushmuomala, e’tiborli, kirishuvchan, kamtar, samimiy, andishali, olijanob va hokazo.

3. 
   Salbiy baholar:
   

Qo‘pol, yolg‘onchi, dangasa, beshafqat, ko‘p gapiruvchi, qo‘rs, tarbiyasiz.
Topshiriq. Berilgan reja va namuna asosida do‘stingiz yoki kursdoshingizga o‘zingiz tavsifnoma yozing va uni qoidaga muvofiq rasmiylashtiring.

1. 
   tavsifnoma kimga berilmoqda ?
   
2. 
   U qachondan beri shu muassasada o‘qiydi yoki ishlaydi ?
   
3. 
   o‘tgan muddat ichida u qanday faoliyat yuritdi.
   
4. 
   Qanday insoniy fazilatlarga ega : do‘stlari, o‘zidan kattalarga, kichiklarga munosabati.
   
5. 
   Jamoat ishlariga ishtiroki.
   
6. 
   Oilaviy ahvoli.
   
7. 
   Tavsifnoma nechanchi shaxs nomidan yoziladi va kim tomonidan tasdiqlanadi ?
   

ISHONCHNOMA
Ishonchinoma - ayrim shaxs yoki muayan muassasa o‘z nomidan ish ko‘rishi uchun ikkinchi bir shaxsga ishonch bildiradigan yozma vakolatli hijjat. Ishonchinomalar pul va moddiy boyliklarni olish yoki muayan harakatni bajarish huquqini beradi.
Ishonchnoma ikki turga bo‘linadi:
Shaxsiy ishonchnoma - ayrim shaxs tomonidan boshqa bir shaxsga muayan ishni bajarish uchun beriladi:
Rasmiy (xizmat) ishonchnoma - muassasa yoki rasmiy shaxslar tomonidan beriladi.
Ishonchnomalar, shuningdek, birgalik (masalan, maoshni olish uchun), maxsus (pul jamg‘armasiga egalik qilish), bosh ishonchnoma (fuqaro mulkini umuman boshqarish) tarzida bo‘lishi mumkin.
Shaxsiy ishonchnoma ishonchnoma bergan shaxs ishlaydigan tashkilot, u yashaydigan mahalla yoki uy-joy boshqarmasi, davolash muassasasida davolanayotgan bo‘lsa, bosh vrach tomonudan tasdiqlanadi .
Imzolar muhr bilan ham tasdiqlanadi.