Мирзо Улу/бек номидаги Ўзбекистон миллий университети

II. Гидрогеологияни асосий йўналишлари

Йигирманчи аср охирига келиб гидрогеология фани кўп қирралик мураккаб табиий фанга айланиб унинг таркибида қуйидаги мустақил йўналишлар ривожлана бошлади.

Умумий гидрогеология - ер ости сувларини литосферанинг таркибий қисми сифатида эътироф қилиб, унинг ҳосил бўлиш қонуниятларини, геологик ролини, ҳаракат омилларини, химик ва физик ҳусуисятларини, геологик муҳитдаги ўрнини ва б.қ. ўрганади.
Ер ости сувларининг динамикаси (гидрогеодинамика)- ер ости сувларининг ҳаракат қонунларини, ҳаракат жараёнларини, табиий ва сунъи омиллар таъсирида ривожланишини, уларни миқдорий баҳолашни ер ости сувларини одамзод ва экология талабалари доирасида бошқаришни ўрганади ҳамда тегишли услубларни ишлаб чиқади.
Бу фан йўналишида гидрогеологик моделлаштириш ва гидрогеологик башоратлаш услублари кенг кўламда ривожланиб келмоқда.
Гидрогеохимия - ер ости сувларининг химик таркибини, уларни ҳосил бўлиш шароитларини, сув ва тоғ жинси тизмидаги мулоқатларни, ер ости сувларида химиявий элементларни кўчиб юришини (миграция жараёнларини) ўрганади. Гидрогеохимиянинг энг долзраб йўналиши бу қазилма бойликларни қидиришнинг гидрогеохимик услубларини ишлаб чиқиш ва ер ости сувларида заҳарли, уларни ифлослантирувчи моддаларни ҳаракатини баҳолашдир.
Гидрогеотермия - ер ости гидросферасидаги термик ҳолатни баҳолаш, ер ости сувларини литосферанинг эволюциясидаги ўрнинини белгилаш, ер заминидаги физик майдонларни аниқлаш, вулқонли регионларда ер ости сувларини ҳосил бўлиш қонуниятларини очиб бериш ва бошқа шунга ўхшаш тадқиқотларни ўз олдига мақсад қилиб қўяди.
Палеогидрогеология ёки тарихий гидрогеология - нисбатан гидрогеологияни янги йўналишларидан бўлиб, литосферадаги ер ости сувларини ҳосил бўлиш тарихи ва ҳар хил қазилма бойликларни шакилланишидаги сувларни ролини очиб беради. Бу услубнинг негизи бўлган ретреспектив таҳлил асосида ер ости сувларини физик ва химик таркибини ҳосил бўлиш қонуниятлари ўрганилиб уларнинг генезисига баҳо берилади.